Qazaqstanda Astana, Almaty jáne Shymkent qalalarynda úsh qoqys jaǵu zauyty salynady, dep habarlaıdy Aqshamnews.kz tílshísí.
Ekologıya jáne tabıǵı resurstar vıtse-mınıstrí Jomart Álıevtíń aıtuynsha, būl nysandar qaldyqtarmen jūmys ísteu júıesíníń negízgí buynyna aınalyp, sūryptauǵa nemese basqa tásíldermen qaıta óńdeuge kelmeıtín qaldyqtardy joyuǵa múmkíndík beredí. Jobalarǵa qytaılyq seríktestermen bírlesíp 293 mlrd teńge ınvestıtsıya qarastyrylǵan, qūrylys merzímí – ekí jyl.
Vıtse-mınıstr sondaı-aq qaldyqtardy sūryptau jáne qaıta óńdeu ınfraqūrylymy da qatar damyp jatqanyn atap óttí. Ótken jyly utılalym esebínen íske qosylǵan jeńíldetílgen qarjylandyru tetígí ayasynda «Jasyl damu» AQ 60 jobany maqūldaǵan, onyń 22-sí 89,4 mlrd teńgege qarjylandyrylǵan. Baǵdarlamanyń jalpy lımıtí – 185 mlrd teńge.
Maqūldanǵan bastamalardyń qatarynda:
-
92 jańa qoqys tasyǵysh kólík satyp alu;
-
quaty jylyna 2,3 mln tonna qaldyqty qūraıtyn 19 sūryptau keshenín íske qosu;
-
jylyna 920 myń tonnaǵa deıín qaldyqty qaıta óńdeuge múmkíndík beretín 33 joba bar.
Vedomstvonyń baǵalauynsha, osy sharalar qaldyqtardy qaıta óńdeu úlesín 40%-ǵa deıín jetkízuge múmkíndík beredí.