El óńírlerínde shamamen 2,1 mln gektar auyl sharuashylyǵy alqaptary egíldí. Kóktemgí dala jūmystary agrotehnıkalyq merzímderge sáıkes júrgízílude.
Egís nauqany ásírese elímízdíń ońtústík óńírlerínde qarqyndy júríp jatyr.
Máselen, Túrkístan oblysynda – 449,2 myń ga, Jambyl oblysynda – 306 myń ga, Jetísu oblysynda – 292,6 myń ga, Almaty oblysynda – 187,9 myń ga jerge egín egíldí.
Basqa óńírlerde de egís jūmystary bastaldy: Shyǵys Qazaqstan oblysynda – 156,3 myń ga, Abaı oblysynda – 138,8 myń ga, Qostanaı oblysynda – 85 myń ga, Aqmola oblysynda – 74,8 myń ga, Qyzylorda oblysynda – 52,5 myń ga, Pavlodar oblysynda – 56,9 myń ga, sondaı-aq basqa aımaqtarda da egís júríp jatyr.
Kóktemgí dala jūmystaryna daıyndyq ayasynda kelesí ís-sharalar atqaryldy: 16,7 mln ga jerde ylǵal jabyldy, 6,1 mln ga alqapta sebuge deıíngí óńdeu júrgízíldí, 1,7 mln ga jerde kóktemgí jyrtu jūmystary oryndaldy.
Búgíngí tańda 942,1 myń ga jerge dándí daqyldar, 242,8 myń ga jerge mal azyqtyq daqyldar, 492 myń ga jerge maıly daqyldar, 118,8 myń ga jerge maqta, 71,8 myń ga jerge kókóníster, 57,7 myń ga jerge baqsha daqyldary, 32,5 myń ga jerge kartop, 15,6 myń ga jerge qant qyzylshasy, 26,3 myń ga jerge kúrísh jáne basqa daqyldar egíldí.
Egís nauqanyn uaqtyly árí tıímdí ótkízu úshín 866,8 myń tonna mıneraldy tyńaıtqysh jetkízuge sharttar jasaldy. 254 teńge/lıtr baǵamen (naryqtyq baǵadan 15% tómen) 401 myń tonna dızel otyny bólíndí.
Bıylǵy jylǵa arnalǵan tūqym qajettílígí 2,3 mln tonnany qūraıdy. Qamtamasyz etílu deńgeıí – 100%. Zerthanalyq tekserís nátıjesínde tūqymnyń 99%-y kondıtsıyalyq dep tanyldy.
Auyl sharuashylyǵy mınıstrlígí kóktemgí egís nauqanynyń barysyna monıtorıng júrgízudí jalǵastyryp, óńírlerge qajettí ádístemelík jáne ūıymdastyrushylyq qoldau kórsetude.