Qazaqstannyń halyq ártísí, tanymal teatr jáne óner qaıratkerí Rıhangúl Mahpırova 79 jasynda dúnıe saldy, - dep habarlaıdy aqshamnews.kz tílshísí.
Óner ıesíníń shyǵarmashylyq joly 1977 jyly Qūdys Qojamıyarov atyndaǵy respublıkalyq memlekettík akademıyalyq ūıǵyr muzykalyq komedıya teatrynda bastalǵan. Jarty ǵasyrǵa juyq eńbegíníń nátıjesínde ol qazaq teatr óneríníń altyn qoryna engen talaı áserlí, kórkem jáne este qalarlyq obrazdardy somdady.
Óner salasyndaǵy zor úlesí úshín Rıhangúl Mahpırovaǵa "Qazaqstan Respublıkasynyń eńbek síńírgen ártísí" jáne "Qazaqstannyń halyq ártísí" qūrmettí ataqtary berílgen.
QR Mádenıet jáne aqparat mınıstrlígí marqūmnyń otbasy men jaqyndaryna, sondaı-aq barsha ónersúıer qauymǵa qaıǵyra kóńíl aıtty.
"Elímíz kórnektí óner qaıratkerínen aıyryldy. Rıhangúl Mahpırovanyń jaryq beınesí halyq jadynda máńgí saqtalady", – delíngen vedomstvo habarlamasynda.