2026 jylǵy 23 qyrkúıektegí jaǵdaı boıynsha eseptí aptada Qazaqstanda áleumettík mańyzy bar azyq-túlík tauarlarynyń bírqatarynyń baǵasy tómendedí, – dep habarlaıdy aqshamnews.kz tílshísí.
Apta íshínde pıyazdyń baǵasy 4,3%-ǵa, sábízdíń – 2,8%-ǵa, almanyń – 2,5%-ǵa, qıyardyń – 1,3%-ǵa, kartoptyń – 0,9%-ǵa, qant pen tauyq etíníń baǵasy 0,5%-ǵa, súıektí sıyr etíníń baǵasy 0,4%-ǵa tómendedí.
Eseptí aptada qoı etíníń, tauyqtyń, súzbeníń jáne qyryqqabattyń baǵalary ózgeríssíz qaldy.
Óńírler bólínísínde elímízdíń bírqatar qalasynda deflyatsıyalyq dınamıka baıqaldy. Áleumettík mańyzy bar azyq-túlík tauarlary baǵasynyń jalpy deńgeıí bír apta íshínde Qaraǵandyda 0,4%-ǵa, Aqtóbe men Jezqazǵanda – 0,2%-ǵa, Túrkístanda – 0,1%-ǵa tómendedí.
Astana, Almaty, Kókshetau, Shymkent, Qonaev, Pavlodar jáne Semeı qalalarynda baǵalar aldyńǵy apta deńgeıínde saqtaldy.
Respublıka boıynsha pıyazdyń ortasha baǵasy kılogramyna 142 teńgení qūrady, būl rette eń tómen baǵa Taldyqorǵan qalasynda – kılogramyna 107 teńge tírkeldí.
El boıynsha sábízdíń ortasha baǵasy kılogramyna 215 teńgení qūrady, būl rette eń tómen baǵa Pavlodar qalasynda – kılogramyna 140 teńge tírkeldí.
Respublıka boıynsha almanyń ortasha baǵasy kılogramyna 727 teńgení qūrady. Eń tómen baǵalar Shymkent qalasynda – kılogramyna 554 teńge deńgeıínde tírkeldí.
Qyzanaqtyń respublıka boıynsha ortasha baǵasy kılogramyna 668 teńgení qūrady. Eń tómen baǵalar Taraz qalasynda – 412 teńge jáne Túrkístan qalasynda – 416 teńge deńgeıínde tírkeldí.
Áleumettík mańyzy bar azyq-túlík tauarlary baǵalary ındeksíníń kórsetkíshí apta saıyn esepteledí. Baǵalardy baqylau barlyq oblys ortalyqtarynda, respublıkalyq mańyzy bar qalalarda jáne astanada júrgízíledí. Áleumettík mańyzy bar azyq-túlík tauarlary baǵasynyń dınamıkadaǵy ózgerísterín Qazaqstan Respublıkasy Strategıyalyq josparlau jáne reformalar agenttígí Ūlttyq statıstıka byurosynyń saıtynan jáne «Taldau» aqparattyq-taldau júıesínen kóruge bolady.
*Áleumettík mańyzy bar azyq-túlík tauarlarynyń tízbesí Qazaqstan Respublıkasy Sauda jáne ıntegratsıya mınıstríníń 2025 jylǵy 23 jeltoqsandaǵy №362-NQ būıryǵymen bekítílgen jáne 31 ataudaǵy azyq-túlík ónímderín qamtıdy.