Respondentterdiń 79,4%-y el durys baǵytta damyp keledi dep sanaıdy, - dep habarlaıdy Aqshamnews.kz.
Maýsym aıyndaǵy zertteý el damýyna qatysty baǵalardyń turaqty ekenin kórsetip otyr. Bul – tańdalǵan baǵytqa qatysty qoǵamda konsensýs saqtalyp otyrǵanyn jáne áleýmettik kóńil-kúıdiń ornyqty bolyp otyrǵanyn kórsetedi. Respondentterdiń basym bóligi (79,4%) el durys baǵytta damyp kele jatyr dep sanaıdy.
Pikirlerdiń oń serpini áleýmettik-ekonomıkalyq jaǵdaıǵa qatysty da baıqalady. Maýsym aıynda respondentterdiń 73,6%-y bul jaǵdaıǵa oń baǵa bergen. Bul úrdis halyqtyń qazirgi ahýaldy qabyldaýynda turaqtaný úderisi júrip jatqanyn kórsetedi.
Saıası jaǵdaı da negizinen oń baǵalanady: respondentterdiń 76,2%-y qazirgi jaǵdaıǵa qanaǵattanatyndaryn bildirgen.
Qoǵam tarapynan berilgen joǵary oń baǵalar kóbine saıası, áleýmettik-ekonomıkalyq jáne psıhologıalyq faktorlardyń jıyntyǵyna baılanysty. Olardyń qatarynda JİÓ-niń 6%-ǵa ósýi, jańa ınfraqurylymdyq jáne áleýmettik nysandardyń salynýy men iske qosylýy, TKSH jáne kólik ınfraqurylymyn jóndeý men jańǵyrtý jumystary bar.
Atalǵan sosıologıalyq zertteýdi Qoǵamdyq saıasat ınstıtýty 2025 jyly 18 maýsym men 4 shilde aralyǵynda júrgizdi. Saýalnamaǵa 18 jastan asqan 2000 qazaqstandyq qatysty. Saýalnama ulttyq reprezentatıvti irikteme boıynsha júrgizildi. İriktemeniń qatelik mólsheri ±2,2%-dan aspaıdy.