Elímízde jalpy jáne náreste ólímíníń tómendeuí, sondaı-aq kútíletín ómír súru ūzaqtyǵynyń ósuín qosa alǵanda, halyq densaulyǵynyń negízgí kórsetkíshteríníń tūraqty oń dınamıkasy tírkeldí, dep habarlaıdy aqshamnews.kz
Būl nátıjeler densaulyq saqtau júıesíníń tıímdílígín jáne kórsetíletín medıtsınalyq kómektíń sapasyn arttyrudy kórsetedí.
Bıyl 10 aıdyń qorytyndysy boıynsha halyqtyń jalpy ólímí ótken jyldyń sáıkes kezeńímen salystyrǵanda 2,7%-ǵa, náreste ólímí 18,7%-ǵa tómendedí.
"Dúnıejúzílík Banktíń derekterí boıynsha Qazaqstan osy kórsetkísh boıynsha Ortalyq Azıya elderíníń arasynda kóshbasshy bolyp, 2024 jyldyń qorytyndysy boıynsha 75,4 jas deńgeıíne jettí", – delíngen densaulyq saqtau mınıstrlígí taratqan habarlamada.
Sonymen qatar, BŪŪ-nyń Adamı damu ındeksí boıynsha 2025 jylǵy Damu Baǵdarlamasynyń esebíne sáıkes ótken jylmen salystyrǵanda óz pozıtsıyasyn 7 tarmaqqa jaqsartyp, Qazaqstan 193 eldíń íshínde 60-shy orynǵa ıe boldy.