Eldegí jaǵdaıdy oń baǵalaıdy, dep habarlaıdy aqshamnews.kz tílshísí.
Qazaqstandyqtardyń basym bólígí negízgí memlekettík ınstıtuttarǵa sením bíldíredí jáne eldegí jaǵdaıdy oń baǵalaıdy. Būl Qazaqstandyq qoǵamdyq damu ınstıtuty júrgízgen 2026 jyldyń III toqsanyndaǵy qoǵamdyq-sayası jaǵdaıdyń negízgí ındıkatorlary zertteuíníń nátıjelerímen rastalady.
El Prezıdentíne degen sením deńgeıí ósíp keledí – 86,7%. Ótken jylǵy osy kezeńmen salystyrǵanda, būl kórsetkísh 3 paıyzdyq tarmaqqa óstí.
Senímníń joǵary deńgeıí negízínen engízílíp jatqan ózgerísterdíń ūdaıy qoǵam nazarynda boluymen baılanysty. Respondentterdíń 65,8 paıyzy Prezıdenttíń bastamalary turaly aqparatty tūraqty túrde nemese oqtyn-oqtyn alyp tūrady.
Prezıdent Qasym-Jomart Toqaevtyń bírqatar bastamalary, onyń íshínde ótken jyly Qazaqstan halqyna Joldauynda aıtylyp, qazírgí uaqytta ís júzínde íske asyrylyp jatqan bastamalary azamattar tarapynan qoldau tauyp otyr.
Úshínshí toqsan qorytyndysy boıynsha eń kóp qoldau tapqan úsh bastamanyń qataryna bír palataly Qūryltaıǵa kóshu, 2026 jyldy Tsıfrlandyru jáne jasandy ıntellekt jyly dep jarıyalau, sondaı-aq «Ūlttyq qor – balalarǵa» jobasy ayasynda tūrǵyn úı jaǵdaıyn jaqsartuǵa jáne bílím aluǵa arnalǵan qarajatty esepteu jáne paıdalanu bastamalary kírdí.
Tehnologıyalyq damu, atom energetıkasy, bílím men ǵylym salasyndaǵy, sondaı-aq «Taza Qazaqstan» ayasynda íske asyrylatyn bastamalar aıtarlyqtaı qoǵamdyq qyzyǵushylyq tudyryp otyr.
Osylaısha, qoldaudyń joǵary deńgeıí el damuynyń jalpy baǵytyna ǵana emes, ınstıtutsıonaldyq qūrylymǵa, jańa tehnologıyalarǵa, adamı kapıtalǵa jáne azamattardyń ómír súru sapasyna qatysty naqty sheshímderge de qatysty bolyp otyr.
Jalpy alǵanda, III toqsannyń nátıjelerí memlekettík ınstıtuttarǵa degen sením deńgeıíníń tūraqty saqtalǵanyn jáne eldegí ahualdyń negízínen oń qabyldanatynyn kórsetedí.
Saualnama 31 shílde men 16 tamyz aralyǵynda júrgízílíp, Qazaqstannyń 18 jastan asqan eresek tūrǵyndarynyń jynysy, jasy, eldí meken túrí jáne tūrǵylyqty óńírí boıynsha qūrylymyn kórsetetín ūlttyq íríkteme negízínde 2 400 respondenttí qamtydy. Íríktemeníń eń joǵary auytqu shegí 95% senímdílík yqtımaldyǵynda ±2%-dan aspaıdy