Qazaqstandyqtar jazǵy demalys úshín qaı elderdí tańdaıdy?

Jaz - demalys pen sayahatqa shyǵudyń eń qyzǵan shaǵy. Sońǵy jyldary qazaqstandyqtar shetelge jıí saparlaıtyn boldy. Al demalys baǵytyn tańdau kezínde vızasyz elder, baǵa,qauípsízdík jáne ūshaq reısteríníń qoljetímdílígí negízgí ról atqarady. Bıylǵy jazda qazaqstandyqtar shetelge demalu úshín jyly, jaǵajaıy bar, vızasyz jáne baǵa tūrǵysynan qolaıly elderge kóbírek bet būryp otyr. Aqshamnews.kz tílshísí el tūrǵyndarynyń sayahat úshín qandaı elderdí tańdaıtynyn anyqtap kórdí. 

Turıstík agenttík menedjerí Janel Seríkovanyń málímetínshe, bıyl eń tanymal baǵyttar mynalar:

Túrkıya — tūraqty favorıt

Baǵyttar: Antalıya, Alanıya, Bodrum

Ne úshín tańdaıdy:

• Barlyǵy qosylǵan (All inclusive) júıesí
• Tíkeleı charterlík reıster
• Qyzmet kórsetu sapasy joǵary

Baǵasy (1 adamǵa): 300 000 – 600 000 ₸

Mausymy: Shílde–tamyz — eń belsendí kezeń

Kollaj: JI

BAÁ — lyuks pen shopıngtí ūnatatyndar úshín

Baǵyttar: Dubaı, Shardja, Fudjeıra

Ne úshín tańdaıdy: 

• Shopıng pen zamanauı ınfraqūrylym
• Áuebıletterdíń ártúrlílígí

 Baǵasy: 150 000 – 700 000 ₸

Jaz ystyq bolsa da, demalushylar azaımaǵan

Suret: JI, kollaj

Gruzıya — vızasyz, tynysh árí qoljetímdí

Ne úshín tańdaıdy:

• Tabıǵaty kórkem
• 1 jylǵa deıín vızasyz kíruge bolady
• Tauly aımaqtar men tarıhı oryndar kóp

Baǵasy: 250 000 – 500 000 ₸

Suret: experience.tripster.ru

Ońtústík-Shyǵys Azıya — jazdyń jańa trendí

Baǵyttar: Vetnam, Taıland, Malaızıya

Ne úshín tańdaıdy:

• Būryn būl baǵyttardy el túrǵyndary qysqy mausymda tańdaıtyn, qazír jazda da sūranys joǵary
• Vetnam - bıyl qazaqstandyqtar jıí baratyn elderdíń bírí.

Baǵalar:

• Vetnam (Danang, Nyachang): 350 000 – 750 000 ₸
• Taıland: 500 000 – 800 000 ₸

Suret: JI, kollaj

Europa — vıza men baǵaǵa baılanysty shekteuler kóp

Turızm salasynyń mamandarynyń aıtuynsha, el tūrǵyndary  kóbíne Italıya, Frantsıya, Germanıyaǵa barudy jón kóredí eken. 

Kedergíler:

• Vızalyq talaptar
• Ūshaq bıletterí men ómír súru baǵasy joǵary

Baram deushíler kóp bolǵanymen, naqty baratyndar sany azdau.

Sońǵy jyldary vızasyz elderge sūranys artyp otyr

Qazaqstan azamattary úshín 39 elge vızasyz kíruge rūqsat bar. Onyń íshínde:

• 1 jylǵa deıín: Gruzıya
• 90 kúnge deıín: Túrkıya, Reseı, Ukraına, Mońǵolıya, Serbıya
• 60 kúnge deıín: Taıland
•  30 kúnge deıín: Vetnam, Katar, Malaızıya, BAÁ, Maldıv, Kuba
•  Jazda vızasyz: Chernogorıya

Eskerte ketetíní, keıbír elderde (mysaly, Taıland) kíru úshín aldyn ala onlaın tírkeu nemese QR-kod qajet boluy múmkín.

Turpaketke ne kíredí?

Ádette tur baǵasyna mynalar kíredí:

• Ūshaq bıletí (charterlík nemese tūraqty reıs)
• Qonaqúı (3–5 jūldyz)
• Tamaqtanu túrí (BB – tańǵy as, AI – bárí qosylǵan)
• Aeroporttan qonaqúıge transfer
• Medıtsınalyq saqtandyru

Set-djettıng nemese kınoturızm

Shetelge shyǵatyn keıbír turıster set-djettıng trendí nemese kınoturızm boıynsha saparǵa shyqqandy jón kóredí. Set-djettıng degenímíz - būl kıno nemese telehıkayalar túsírílgen naqty oryndarǵa baryp kóru úshín jasalatyn sayahat túrí. Yaǵnı, sayahatshylar fılmder men serıaldardaǵy lokatsıyalarǵa arnaıy barady. Turızm salasyndaǵy jas maman Janel Seríkova būl baǵyt boıynsha bírneshe mysaldardy keltírdí: 

1. Jańa Zelandıya «Vlastelın kolets», «Koltsa vlastı»

Hobbıton, Mordor, Edoras sıyaqty lokatsıyalar naǵyz fanattar úshín 

2. AQSh Disney & Marvel- «Holodnoe serdtse», «Chelovek-pauk», «Jeleznyı chelovek»

Orlando men Kalıfornıyadaǵy Disney World pen Universal Studios báríníń armany. Árbír fılmge arnalǵan park zonalary bar.

3. Ońtústík Koreya «Igra v kalmara», «Avarıınaya posadka lyubvı», «Tsvetochkı posle yagodok» «Alye serdtsa Koryo» K-dramalar arqyly Seul men basqa da aımaqtarda qyzyq kóp.

4. Ūlybrıtanıya (Shotlandıya men Soltústík Irlandıya) «Igra prestolov», «Devochkı ız Derrı», «Chujestranka»

Turıster serıal túsírílgen saraılar men tabıǵı jerlerge arnaıy barady.

5. Malaızıya «Venom», «Bezumno bogatye azıaty», «Gromoverjtsy» 

Būl fılmderden keıín elge Marvel fanattary jıí kele bastaǵan.

8. Frantsıya (Parıj) «Emılı v Parıje»

Parıjge barǵysy keletín jastar sany artqan. Ásírese Instagram-kontent úshín arnaıy saparlaıtyndar da bar eken. 

Turıster qazír Eıfel mūnarasyn kóru úshín emes, endí frantsuz ashanasyn, kafelerdí, mıshlendík meıramhanalarǵa baryp kóru jáne  “Ratatuı” fılmí úshín ízdeıdí.

9. Japonıyaǵa negízínen anıme tuyndylary úshín barady

10. ⁠Túrkıyaǵa da ataqty "Velıkolepnyı vek" fılmíníń atmosferasyna enu úshín, sol Saraıdy kóru úshín Stambulǵa barady.  “Chernaya lyubov” ,“Postuchıs v moyu dver”, “Chukur” serıaldary túsírílgen jerlerge baratyn turıster de kóp.

Bír eskere ketetíní, qazaqstandyq turıster arasynda Ózbekstan astanasy - Tashkentke baru úrdísí de beleń alǵan. Olardyń kóbí būl saparlaryn medıtsına qyzmetíníń qoljetímdílígímen, arzandyǵymen baılanystyrady.

Shetelge shyqqanda medıtsınalyq saqtandyru mańyzdy

Turıstík agenttíkter ókílderíníń aıtuynsha, qazaqstandyqtar shetelge sapar shekkende medıtsınalyq saqtandyruǵa jetkílíktí mán bermeı jatady. Almatydaǵy turıstík agenttíktíń ıesí Balqash Beríkūly būl máselege baıyppen qarau kerektígín eskertedí.

«Qazír saqtandyru negízínen standartty túrde rásímdeledí. Ol turıstíń óz qauípsízdígí úshín mańyzdy. Sebebí Qūdaı saqtasyn, shetelde kútpegen jaǵdaı bolsa, medıtsınalyq qyzmet óte qymbatqa túsedí. Al standartty saqtandyru qonaqúı aumaǵynda ǵana jaramdy. Eger adam ekskursıyaǵa ne teńízge shyǵyp ketse, būl saqtandyru kómektespeuí múmkín», – deıdí ol.

Beríkūlynyń aıtuynsha, óz tájírıbesínde shetelde júrgen bír turıst qonaqúı aumaǵynan tys jerde júríp qolyn syndyryp alǵan. Nátıjesínde gıps saldyru úshín óz qaltasynan 3 000 dollar tóleuge tura kelgen.

Sondyqtan eger demalys barysynda oqys jaǵdaı oryn aluy múmkín degen qauíp bar bolsa, keńeıtílgen medıtsınalyq saqtandyru polısín aldyn ala rásímdegen jón. Būl kútpegen shyǵynnan qorǵaıdy jáne demalysty alańsyz ótkízuge kómektesedí.

Aıta keteıík, búgínde shetelge shyǵu úshín vaktsına pasportyn talap etetín elder joq.

Íshkí turızm de sūranysqa ıe

El íshínde de jyl ótken saıyn turızm salasy jaqsy damyp keledí. Shetelge shyqpaı-aq demalǵysy keletínder úshín Qazaqstannyń  tabıǵaty da tamsandyrmaı qoımaıdy.  Ásírese, Alakól men Kólsaı sekíldí tabıǵı aımaqtar jazǵy demalys úshín erekshe sūranysqa ıe baǵyttar.

•  Alakól — otbasylyq demalysqa qolaıly
•  Kólsaı kólderí — jayau marshrut pen tabıǵat súıer qauym úshín
•  Balqash — suǵa shomylu mausymynda sūranys joǵary bolady
•  Burabaı — qysqa saparǵa tıímdí baǵyt

Qazír halyq arasynda 3 kúndík turlar jaqsy tanylyp keledí. Máselen, Almatydan tíkeleı Kólsaıǵa aparatyn turıstík turlardyń túrlerí kóp. Bír kúndík sayahattyń qūny 13000 teńgeden bastalsa, jatyn orny, íshetín tamaǵy qarastyrylǵan ekí kúndík turlar 27000 teńgeden bastalady. Būl baǵaǵa ekí kún íshínde Kólsaı kólderín, Qaıyńdy jáne Almaty oblysyndaǵy Sharyn shatqalyn kóríp, aralap, esten ketpes demalys ūıymdastyra alasyz.

Alakól - Qazaqstannyń jazǵy turızmíndegí eń tanymal aımaqtyń bírí. Emdík qasıetímen tanylǵan būl kólge jazda demalushylar aǵylyp keledí. Ásírese, kóldíń Jetísu oblysyndaǵy jaǵalauy — Aqshı men Kóktūma auyldary demalys úshín sūranysqa ıe. 2025 jyly būl baǵyttaǵy demalys oryndaryndaǵy qonaqúılerí bír túnep shyǵu baǵasy 16000 teńgeden bastalady. Otbasymen baratyndar úshín tıímdí baǵadaǵy pansıonattar da bar. Olardyń qūny 11000-14000 teńgeden bastalady. 

Qazaqstandaǵy tanymal demalys baǵyttarynyń bírí – Burabaı. Būl da tabıǵaty kórkem, qyzmet kórsetu deńgeıí jyldan-jylǵa jaqsaryp kele jatqan aımaqtyń bírí. Baǵalar da árkímníń múmkíndígíne qaraı ártúrlí.