Qazaqstan men óńírdegí 150-den astam ūıymnyń top-menedjerlerí Stanford University HAI professorlary men OpenAI Academy sarapshylarynan JI boıynsha bílím alady, – dep habarlaıdy aqshamnews.kz tílshísí.
Memleket basshysynyń júıelí tsıfrlandyru jáne ekonomıkanyń barlyq salasyna JI engízu turaly tapsyrmasyn oryndau ayasynda Jasandy ıntellekt jáne tsıfrlyq damu mınıstrlígí Stenford unıversıtetíníń Jasandy ıntellekt zertteu ortalyǵy - Stanford University Human-Centered Artificial Intelligence (HAI), ChatGPT jasaushysynyń bílím beru platformasy - OpenAI Academy jáne Kremnıı alqabyndaǵy halyqaralyq Silkroad Innovation Hubmen seríktestíkte «AI Leaders 2026» flagmandyq bílím beru baǵdarlamasyn bastaıdy.
Būl - akademıyalyq tájírıbe men praktıkalyq qoldanudy ūshtastyrǵan, Ortalyq Eurazıya óńírí úshín jasalǵan jasandy ıntellekt salasyndaǵy kóshbasshylardy dayarlaıtyn eń írí korporatıvtík baǵdarlama. Negízgí ūıymdastyrushylardan bólek, JI-agentterí men tsıfrlyq sheshímderdí jasauǵa múmkíndík beretín Lovable jáne CAYU platformalary, sondaı-aq Nazarbaev Unıversıtetí janyndaǵy Intellektualdy júıeler jáne jasandy ıntellekt ınstıtuty (ISSAI) jobanyń seríktesterí bolyp tabylady.
Baǵdarlamanyń akademıyalyq jetekshísí - Stanford University HAI professory, JI turaly álemdík bestseller avtory, Google Research-tíń eks-dırektory jáne QR Prezıdentí janyndaǵy JI damytu jóníndegí sarapshylyq keńestíń múshesí Pıter Norvıg. Onyń jetekshílígímen oqu materıaly bízdíń óńírdíń erekshelíkteríne barynsha beıímdelgen.
Premer-mınıstrdíń orynbasary - Jasandy ıntellekt jáne tsıfrlyq damu mınıstrí Jaslan Mádıev:
«Memleket basshysynyń ekonomıkanyń barlyq sektoryna jasandy ıntellektíní engízu turaly tapsyrmasyn oryndaı otyryp, bíz tájírıbelík ózgeríster kezeńíne kóshemíz. Baǵdarlama qorytyndysy boıynsha Stanford University HAI saraptamasyna jáne OpenAI Academy tehnologıyalaryna súıene otyryp, árbír qatysushy óz ūıymy úshín qoldanbaly JI-strategıyasyn jasaıdy. Būl árbír kompanıyanyń tsıfrlyq transformatsıyasy búkíl eldíń tehnologıyalyq kóshbasshylyǵy men tabysynyń negízíne aınalatyn basqarudyń jańa modelíníń írgetasyn qalaıdy» - dep atap óttí.
Oqu 8 sáuírde bastalady, ol ıntensıvtí live-sessıyalary formatyndaǵy 30 saǵattan astam oqudy qamtıdy jáne keń audıtorıya úshín ozyq bílímge qoljetímdílíktí qamtamasyz ete otyryp, qazaq, ózbek jáne orys tílderíndegí audarmamen súıemeldenetín bolady.
Oqytu maqsatty model boıynsha qūrylǵan: kompanıyalar komandalarmen qatysady, būl orta buynnan joǵary basshylyqqa deıíngí negízgí basqarushy rólder deńgeıínde qūzyretterdí keshendí damytuǵa múmkíndík beredí. Osy baǵdarlama ayasynda árbír ūıym naqty bıznes-míndetter men protsesterge baǵyttalǵan ózíníń jeke JI-strategıyasyn ázírleıdí. Būl Memleket basshysy qoıǵan ekonomıkanyń barlyq negízgí sektorlaryna JI-dí júıelí engízu míndetí tūrǵysynan óte mańyzdy. Mūndaı jaǵdaıda írí kompanıyalar men ınstıtuttardyń jekelegen qūraldardy synap kóruden kútíletín tıímdílíktí anyq túsíne otyryp, tūtas JI-strategıyalaryn qalyptastyruǵa kóshuí óte mańyzdy.
Qatysushylar arasynda óńírdegí 150-ge juyq írí ūıymnyń basshylary, memlekettík jáne kvazımemlekettík sektor ókílderí, sonyń íshínde «Samūryq-Qazyna», «Báıterek» ūlttyq holdıngterí jáne Qazaqstan Respublıkasynyń Ūlttyq bankí, sondaı-aq ekonomıkanyń jetekshí kompanıyalary: Halyk Bank, Freedom Holding, Kaspi.kz, BI Group, Astana Motors, Beeline, Kcell, Bazis-A, «Qazmyrysh», Transtelecom, Lancaster Group jáne basqalary bar.
Oqytu ádístemesí kompanıyalarǵa JI-dí túsínuden bastap ony ís júzínde engízuge deıíngí joldan dáıektí túrde ótuge múmkíndík beretín úsh satyly daıyndyq júıesíne negízdelgen. Aldymen qatysushylar Stanford University HAI-men bírge JI-díń negízgí prıntsıpterín, tehnologıyalardyń shekteulerín jáne olardyń bıznes-protsester men basqaruǵa áserín zerdeleı otyryp, akademıyalyq negíz qalaıdy. Sodan keıín OpenAI Academy-men JI qūraldarymen jūmys ísteuge kóshedí - prompt engineering-tí, modelderdí paıdalanudy jáne JI-dí naqty míndetterde qoldanudy meńgeredí. Fınaldyq kezeń JI-agentterí men qoldanbaly sheshímderge arnalady: CAYU jáne Lovable-men bírge komandalar bıznestegí jáne negízgí salalardaǵy JI-júıelerín ázírleudí jáne qoldanudy úırenetín bolady.
Mūndaı baǵdarlamalar negízínde bíz JI-transformatsıyasyn basqaruǵa jáne ekonomıka men qoǵamnyń tūraqty damuyn qamtamasyz etuge qajettí qūzyretterí bar kóshbasshylardyń jahandyq qoǵamdastyǵyn qalyptastyramyz. Baǵdarlama ártúrlí elderdíń qatysushylaryn bíríktíríp, yntymaqtastyq ayasyn keńeıtedí. Baǵdarlama tyńdaushylary arasynda Ázerbaıjan, Qyrǵyzstan, Ózbekstan, Mońǵolıya, Tájíkstan, Túrkıya jáne Katar elderíníń ókílderí bar.
«Bízdíń maqsatymyz - óńírge JI salasyndaǵy ozyq bílímge jáne jahandyq tehnologıyalyq ekojúıelerge tíkeleı qol jetkízudí qamtamasyz etu. Bíz qatysushylary bílímdí búgínde ındustrıyany qalyptastyryp jatqan jáne onyń bolashaǵyn aıqyndaıtyndardan alatyn bírínshí mamandardan ala altyn baǵdarlamalar jasaımyz. Osylaısha, Ortalyq Eurazıya jahandyq tehnologıyalyq jáne JI-ekojúıesíníń kórnektí jáne belsendí múshesíne aınalady», - dep atap óttí Silkroad Innovation Hub negízín qalaushy jáne bas dırektory Áset Ábdualıev.
Kurs ayaqtalǵannan keıín qatysushylar Stanford University HAI resmı sertıfıkatyn alady jáne Ortalyq Eurazıyadaǵy eń írí JI-qauymdastyǵynyń múshesíne aınalady. Būl bastama kadrlardy dayarlaudyń keshendí júıesíníń negízgí buyny bolyp tabylady: esteríńízge sala keteıík, 2025 jyly elímízdíń 1 mıllıonǵa juyq azamaty tsıfrlyq sauattylyq boıynsha bazalyq oqudan ótkenken bolatyn. Júıelí jūmys barlyq deńgeıde - TUMO Astana jáne Tomorrow School jastar ortalyqtarynan bastap, AI Sana studenttík baǵdarlamalaryna, memlekettík qyzmetshílerge arnalǵan AI Qyzmet arnaıy jobalaryna jáne AI Governance 500 baǵdarlamasy boıynsha memlekettík sektorda JI-ofıtserlerín dayarlauǵa deıín júrgízílíp, eldíń tehnologıyalyq damuy úshín saraptamalyq bazany qamtamasyz etude.