Astanadaǵy stomatologıyalyq ortalyqtardyń bírínde 20 jastaǵy qala tūrǵyny qaıtys boldy. Būl aqparatty Astana qalasynyń Polıtsıya departamentí rastady, – dep habarlaıdy aqshamnews.kz tílshísí.
"Qaladaǵy stomatologıyalyq ortalyqtardyń bírínde 20 jastaǵy tūrǵynnyń qaıtys bolu deregí boıynsha Astana qalasynyń Polıtsıya departamentí sotaldy tergeu júrgízíp jatyr. Qazír bírqatar tergeu sharasy taǵaıyndaldy. Onyń qorytyndysy boıynsha protsestík sheshím qabyldanady", – delíngen vedomstvo habarlamasynda.
Būǵan deıín áleumettík jelílerde Astanadaǵy stomatologıyalardyń bírínde Esbolǵan Mūrat Jeńíshanūly esímdí jígít qaıtys bolǵany turaly aqparat taraǵan edí.
"Qolda bar málímetke súıensek, stomatolog allergıyaǵa synama jasamaı, preparat ekken. Inektsıyadan keıín Mūrattyń denesí qūrysyp, jaǵdaıy kúrt nasharlaǵan. Soǵan qaramastan, oǵan preparat qaıta egílgen. Keıín Mūrat kóz jūmdy. Sondaı-aq, jarıyalanymda allergıyalyq synamasyz ekpení praktıkant jasaǵany, al stomatolog jaǵdaıdy tıístí deńgeıde baqylamaǵany aıtylǵan. Oqıǵa ornynda 1993 jyly tuǵan medbıke bolǵan", – delíngen jazbada.