Búgín respublıkalyq «Taza Qazaqstan» aktsıyasy jáne «Móldír būlaq» ekologıyalyq bastamasy ayasynda qalanyń 8 audanyndaǵy 10 nysanda jergílíktí senbílík ótkízíldí. Būl turaly Almaty qalasynyń Kommunaldyq ınfraqūrylymdy damytu basqarmasynyń ókílderí aıtty, – dep habarlaıdy aqshamnews.kz tílshísí.
Ís-sharalarǵa 5 520 adam qatysyp, 192 bírlík arnaıy tehnıka jūmyldyryldy. Jūmys barysynda 588 m³ qoqys pen qaldyq shyǵarylyp, 210 aǵash egíldí, onyń íshínde 110-y — shaǵan, 100-í — qaraǵash.
Senbílíkter qalalyq ınfraqūrylymnyń mańyzdy aumaqtaryn qamtydy. Atap aıtqanda, qoǵamdyq keńístíkter, aula aumaqtary men su jaǵalaulary tazartyldy.
Tazalau jáne kóríktendíru jūmystary Aqbūlaq shaǵynaudanyndaǵy Ahanov kóshesíníń boıynda, Tóle bı – Abylaı han – Bógenbaı batyr – Panfılov kóshelerí aralyǵynda, Saıran shaǵynaudanynda, Qyrmyzy kóshesínde, «Gúlder» sayabaǵynda jáne Aınabūlaq shaǵynaudanynda, Úlken Almaty kanaly boıynda jáne Halılulın kóshesínde, Tautaǵan kóshesí uchaskesínde, sondaı-aq «Jeltoqsan» sayabaǵynda júrgízíldí.
Ís-sharalardyń negízgí maqsaty — ekologıyalyq jaǵdaıdy jaqsartu, tūrǵyndardyń sanıtarlyq mádenıetín arttyru jáne qorshaǵan ortaǵa ūqypty qarau daǵdysyn qalyptastyru.