Otandyq ónerpaz Áıgerím Altynbek «La Skala» teatry akademıyasynyń taǵylymdamasyna qabyldandy, dep habarlaıdy aqshamnews.kz
Beınejazba arqyly ótken aldyn ala íríkteuge 400-den astam úmítker qatysqan. Olardyń íshínen 12 úzdík oryndaushy tańdalyp alyndy. Solardyń qatarynda Qazaqstannyń atynan qatysqan Áıgerím Altynbek te bar.
Opera ánshísí Áıgerím Altynbek – kóptegen halyqaralyq vokaldyq baıqaulardyń laureaty.
Ol tanymal kompozıtor Djakomo Puchchınıdíń 100 jyldyǵyna oraı ūıymdastyrylǵan halyqaralyq opera ánshílerí baıqauynda jeńímpaz atandy.
Sonymen qatar Italıyanyń Modena qalasynda ótken Nıkolaı Gyaurov atyndaǵy opera ánshíleríníń halyqaralyq baıqauynda úshínshí oryndy ıelendí. Qazaqstandyq ánshí ataqty ıtalıyalyq opera ánshísí Mırella Frenıdíń arnaıy syılyǵyn aldy. Álemníń 470 qatysushysy qatysqan Renata Tebaldı atyndaǵy halyqaralyq vokal konkursynda ónerpaz ekínshí orynǵa ıe boldy.
25 mausymda álemge áıgílí Hose Karrerastyń kontsertí ótedí. Osy keshte Áıgerím Altynbek te boı kórsetedí. Kontsertte álemdík opera arıyalar shyrqalyp, tanymal duetter óner kórsetedí.
27–28 mausymynda Italıyanyń Neapol qalasynda Andrea Bochellıdíń mereıtoılyq kontsertíne qatysyp, aty ańyzǵa aınalǵan tenormen bír sahnada án shyrqaıdy.
Būl jetístík – onyń bílímge degen ūmtylysy men kásíbı sheberlígíníń jemísí. Sonymen qatar memlekettíń jas talanttardy qoldauǵa baǵyttalǵan auqymdy jūmysynyń nátıjesí.