Osy jūmystar sheńberínde geologıya, gıdrologıya, geodezıya jáne avtomattandyru bólígínde zertteuler júrgízíletín bolady.
Qazaqstandaǵy su sharuashylyǵynyń mamandary aldaǵy bes jylda 19 negízgí magıstraldy jáne sharuashylyqaralyq kanaldarda suarmaly júıení avtomattandyrudy kózdep otyr, dep habarlaıdy Almaty-akshamy.kz Ekologıya, geologıya jáne tabıǵy resurstar mınıstrlígíníń baspasóz qyzmetíne sílteme jasap.
«Qazsushar» RMK-nyń IT boıynsha basqarushy dırektory Tastan Narımbaevtyń sózínshe, joba negízínde 119 negízgí magıstraldy jáne sharuashylyqaralyq kanaldarda suarmaly júıení avtomattandyru bolyp tabylady. Almaty, Jambyl, Túrkístan jáne Qyzylorda oblysy boıynsha jalpy ūzaqtyǵy 2 830 shaqyrymdy qamtymaq. Osy jūmystar sheńberínde geologıya, gıdrologıya, geodezıya jáne avtomattandyru bólígínde zertteuler júrgízíletín bolady. Sonyń nátıjesínde kanaldarda qūrylys-montajdau jūmystaryn júrgízu úshín, su esebín avtomattandyru júıesín engízu maqsatynda jobalyq-smetalyq qūjattar ázírlenedí.
«2025 jylǵa deıíngí avtomattandyrudyń bes jyldyq jospary pysyqtaldy jáne respublıkanyń ońtústík oblystarynda ornalasqan "Qazsushar" RMK arnalaryn avtomattandyrudy kózdeıdí. Olarǵa jalpy el boıynsha su berudíń 97%-y tıesílí. "Qazsushar" RMK fılıaldarynyń teńgerímíndegí suaru jelílerí - "D.Qonaev atyndaǵy Úlken Almaty kanaly" fılıaly, Almaty, Túrkístan jáne Jambyl fılıaldary. Aǵymdaǵy jyly bíz 9 kanal boıynsha qūrylys-montajdau jūmystaryna kírísemíz. 2025 jyldyń sońyna qaraı 5 jyldyq jospardyń barlyq 119 kanalyn avtomattandyruǵa keludí josparlap otyrmyz. Jalpy, būl jospardyń áserí "Qazsushar" úshín de, bízdíń su tūtynushylarymyz úshín de óte mańyzdy», – dep atap óttí «Qazsushar» RMK-nyń IT boıynsha basqarushy dırektory Tastan Narımbaev.
Aldaǵy bes jylda su jınauy 6 km3 bolatyn magıstraldyq kanaldardyń jartysynan astamy, sondaı-aq, sharuashylyqaralyq kanaldardyń jartysyna juyǵy tsıfrlandyrylady. Būl arqyly 26 004 fermer men 103 auyl sharuashylyǵy kooperatıví úshín 412,6 myń ga jerdí suaru múmkíndík bar. Brıfıngte memlekettík satu portaly arqyly 23 kanaldy avtomattandyru boıynsha jobalyq-smetalyq qūjattama ázírleuge 8 konkurs jarıyalaıtyny aıtyldy. Demek, osy jyly 9 kanal boıynsha 4 konkurs ótkízíledí. Al, keler jyly 14 kanal boıynsha 4 konkurs ótkízíletín bolady.
Aıta keteıík, onlaın-brıfıngke TPBAJ (tehnologıyalyq protsesterdí basqarudyń avtomattandyrylǵan júıelerí) jáne BÓA (baqylau-ólsheu aspaptary) engízu salasynda qajettí qūzyretí bar kompanıyalardyń 45 ókílí qatysty. Basqarushy dırektor avtomattandyruǵa mamandandyrylǵan eń qūzyrettí jáne kásíbı kompanıyalar tartylatynyn aıtty. Sondaı-aq, brıfıngke qatysqan kompanıyalar atalǵan jobaǵa qyzyǵushylyq tanytuǵa shaqyrdy.