2020 jyly Qazaqstanda 199,4 myń tonna óńdelgen kúrísh óndíríldí, būl respublıkanyń íshkí naryqtaǵy qajettílígín185,9%-ǵa qamtamasyz etedí.
Jańa óndírísterdí íske qosudyń arqasynda qaıta óńdelgen kúrísh óndírísí qarqyn aldy, dep habarlaıdy Almaty-akshamy.kz Auyl sharuashylyǵy mınıstrlígíníń baspasóz qyzmetíne sílteme jasap.
Aldaǵy bírneshe jylda egís alqaptaryn ártaraptandyruǵa baılanysty kúríshtí íshkí naryqqa jetetíndeı kólemde ǵana óndíru josparlanyp otyr.
Salystyra aıtar bolsaq, 2019 jyly 166 myń tonna óním óndíríldí. Yaǵnı, bír jyl íshínde óndírís ósímí 20%-dan asty.
Ótken jyly óndírís ósímíníń arqasynda óńdelgen kúríshtíń eksporty 12,7%-ǵa artyp, 101,2 myń tonnany qūrady. Sonyń nátıjesínde ımport 57,7 %-ǵa, yaǵnı, 9 myń tonnaǵa deıín tómendedí.
Qazírgí uaqytta otandyq óndírístíń arqasynda ımporttyń úlesí 8,4% ǵana.
2015 jyldan berí Qazaqstanda kúríshtí óndíru men qaıta óńdeu salasynda jalpy qūny 2,3 mlrd teńge bolatyn 8 ınvestıtsıyalyq joba íske asyryldy. Sonyń nátıjesínde óndírís ósímí qarqyn aldy.
Memlekettík qoldau sharalary ayasynda jańa kásíporyndar salu, jūmys ístep tūrǵan qaıta óńdeu kásíporyndaryn keńeıtu jáne jańǵyrtu jūmystaryn júzege asyrǵanda ınvestıtsıyalyq subsıdıyalar qarastyryldy.
Būdan bólek, «qarapaıym zattar ekonomıkasy» ayasynda qaıta óńdeu kásíporyndaryn ınvestıtsıyalauǵa jáne aınalym qarajatyn tolyqtyruǵa múmkíndík beretín jyldyq syıaqy mólsherí 6%-dyq jeńíldetílgen nesıeler bar.
Sonymen qatar, ekínshí jyl qatarynan respublıkanyń agroónerkásíp keshenínde egís alqaptaryn ártaraptandyru sayasaty júrgízílíp jatyr. Máselen, bıyl oblys ákímdíkteríníń derekterí boıynsha, kúrísh egetín alań 8,4 myń gektarǵa qysqarǵan. Yaǵnı, elímízdegí jalpy kúrísh egís alqaby 95,6 myń gektarǵa deıín azaıdy.
Kúrísh alqaptarynyń kólemín bírtíndep azaıtyp, onyń ornyna tıímdí árí ylǵaldy az qajet etetín baqsha ónímderíníń, jem-shóp pen maıly daqyldardyń alqaptaryn ūlǵaıtu josparlanyp otyr.