Jeke akademıalarǵa "ulttyq" sózin ataýlarynda qoldanýǵa tyıym salyndy, dep habarlaıdy aqshamnews.kz
Qazaqstanda zańnamalyq ózgerister aıasynda jeke akademıalardyń ataýynda «ulttyq» sózin qoldanýǵa shekteý engizildi. Bul túzetýler «Bilim týraly», «Ǵylym jáne tehnologıalyq saıasat týraly», sondaı-aq «Qaıyrymdylyq týraly» zańdarǵa engiziletin ilespe ózgerister qatarynda qarastyrylǵan.
Endi memleket qatyspaıtyn, zańdy tulǵa retinde tirkelgen jeke akademıalar óz ataýynda «ulttyq» sózin tolyq nemese qysqartylǵan túrde, kez kelgen tilde qoldana almaıdy. Bul shara akademıalyq ataýlardyń mańyzdylyǵyn saqtaý jáne bilim berý uıymdarynyń mártebesin naqtylaý maqsatynda qolǵa alynǵan.
Sonymen qatar, zań jobasyna taǵy bir mańyzdy túzetý engizildi. «Aral óńirindegi ekologıalyq qasiret saldarynan zardap shekken azamattardy áleýmettik qorǵaý týraly» zańǵa sáıkes, Túrkistan oblysyna qarasty Kentaý qalasy jáne oǵan irgeles Ashysaı, Hantaǵy, Baıyldyr, Qarnaq, Qúshata jáne Shashtóbe aýyldary ekologıalyq jaǵdaıdyń aldyn-alý aımaǵy retinde tanylatyn boldy. Bul qadam óńir halqyn áleýmettik jáne ekologıalyq turǵydan qorǵaýǵa baǵyttalǵan.