Kúzdiń alǵashqy aıy qazaqstandyqtar úshin birqatar jańalyqtarpen bastalmaq. Bıyl Konstıtýsıa kúni (30 tamyz) senbige túskendikten, qazaqstandyqtar 1 qyrkúıek te demalady. Al mektep oqýshylary jańa standart boıynsha tamaqtanýdy bastaıdy. Budan bólek, qyrkúıekten bastap birneshe mańyzdy ózgeris kúshine enedi. Olar qandaı? Aqshamnews.kz tilshisi tizdi.
Mobıldi aýdarymdar qatań tekseriledi
Endi úsh aı ishinde 1 mıllıon teńgeden astam mobıldi aýdarym jasaǵandar salyqtyq tekserýge iligýi múmkin. Bul ózgeris QR Salyq kodeksine engizilgen túzetýlerde qarastyrylǵan. Prezıdent Qasym-Jomart Toqaev shildede zańǵa qol qoıǵan bolatyn.
Alaıda jaqyn týystar arasyndaǵy aýdarymdar tekserilmeıdi. Qarjy vıse-mınıstri Erjan Birjanovtyń aıtýynsha, mundaı jaǵdaıda azamattarǵa alańdaýdyń qajeti joq.
Jyljymaıtyn múlik ıelerine jańa tólemder engiziledi
15 qyrkúıekten bastap páter, parkıng orny nemese qoıma ıeleri úsh túrli tólemdi tóleýge mindetti bolady:
-
Aǵymdaǵy jarna – úıdi basqarý men kútip-ustaýǵa ketetin aı saıynǵy shyǵyndar.
-
Jınaq jarnasy – kúrdeli jóndeýge arnalǵan qor.
-
Maqsatty jarna – belgili bir qajettilikke arnalǵan tólem.
Jarnanyń kólemi páterdiń nemese orynjaıdyń aýdanyna baılanysty bolady. Onyń eń tómengi mólsherin máslıhat belgileıdi.
Ereje buzǵandar aıyppuldyń ornyna qoǵamdyq jumysqa jegiledi
1 qyrkúıekten bastap Qazaqstanda jol qozǵalysy erejesin qaıtalap buzǵandarǵa aıyppuldyń ornyna qoǵamdyq jumystar taǵaıyndalady. Jańa talap júrgizýshilerge de, jaıaý júrginshilerge de, elektrsamokat qoldanýshylaryna da qatysty.
-
Jedel járdem, polısıa nemese órt sóndirý kólikterine jol bermegen júrgizýshiler.
-
Joldy ruqsatsyz kesip ótip, apatqa sebep bolǵan jaıaý júrginshiler.
-
Jol qozǵalysyna kedergi keltirgen elektrsamokat minýshiler.
Mysaly, jol bermegen júrgizýshige 20 saǵat qoǵamdyq jumys júktelýi múmkin. Qoǵamdyq jumys túrine kóshelerdi tazalaý, saıabaqtardy kútip-baptaý nemese áleýmettik nysandardy jóndeý kiredi. Mundaı jumystar kezinde adamdar "Qoǵam aldyndaǵy boryshymdy ótep júrmin" degen jazýy bar jılet kıedi.
Bul shara qoǵamdaǵy tártipti kúsheıtýge, jol qaýipsizdigin arttyrýǵa jáne azamattardyń jaýapkershiligin kóterýge baǵyttalǵan.
Oqýshylar mektepke qaıta oralady
Jańa oqý jyly 2 qyrkúıekte bastalady. Saltanatty jıyn kúnin ár mektep ózi belgileı alady. Bıyl alǵash ret mektep tabaldyryǵyn 370 myńnan astam oqýshy attaıdy.
Oqý jyly 2026 jyldyń 25 mamyryna deıin jalǵasady.
Jeke kásipkerlerdi tirkeý tártibi ózgeredi
15 qyrkúıekten bastap turaqty túrde jaldamaly jumysshy ustaıtyn jáne tabysy 360 AEK-ten (shamamen 1,4 mln teńge) asatyn azamattar mindetti túrde jeke kásipker retinde tirkelýi tıis. Buǵan deıin mundaı talap tabysy eń tómengi 12 jalaqydan asqandarǵa ǵana qoldanylatyn.
Kolejderdegi jumysshy mamandyqtar tegin bolady
9-synyptan keıin kolejge túsken jastar eń suranysqa ıe tehnıkalyq mamandyqtardy tegin oqı alady. Bul bastama jastardy qoldap, eńbek naryǵyn jańa kadrlarmen tolyqtyrýǵa baǵyttalǵan.
Qazir elde 772 kolej bar, onda 565 myńnan astam stýdent bilim alady. Oqý oryndaryna qamqorlyq jasaıtyn kásiporyndar sany 500-den asady, al bolashaqta olardyń sanyn 4 myńǵa jetkizý josparlanyp otyr.
Qyrkúıekte qazaqstandyqtardy úlken konsertter kútip tur
-
6 qyrkúıek – Mınskiden shyqqan tanymal oryndaýshy Maks Korj Almatydaǵy Ortalyq stadıonda konsert beretini aıtylǵan bolatyn. Barlyq bıletter satylyp ketken. Alaıda uıymdastyrýshylar barlyq qajetti qujatty ýaqytynda tapsyrmaǵandyqtan konsert bolmaıtyn boldy.
- 7 qyrkúıek - Ortalyq stadıonta tanymal ánshi Mıras Júginisovtyń konserti ótedi. Ánshi mundaı deńgeıde Almatyda alǵash ret konsert bergeli otyr.
-
21 qyrkúıek – álemge áıgili Backstreet Boys toby Ortaly stadıonda óner kórsetedi. Bıletter quny 40 myń teńgeden bastalady.
Sondaı-aq, "Qaırat" FK Chempıondar lıgasynyń jalpy kezeńine shyqty. Kúni keshe CHL-nyń jerebe tartý rásimi ótip, almatylyq klýbtyń qarsylastary anyqtaldy. Almatyǵa áıgili "Real Madrıd" klýby kelip, "Inter", "Arsenal" syndy beldi klýbtarmen syrt alańda teketiresedi. Oıyndar 16 qyrkúıekte bastalyp, 28 qańtarǵa deıin jalǵasady. Onyń qorytyndysy boıynsha eń myqty segiz komanda tikeleı 1/8 fınalǵa ótedi, al toǵyzynshy men 24-shi oryn alǵan klýbtar pleı-off machtaryna qatysady.
Jalpy kezeńniń tolyq kestesi, onyń ishinde Qaırattyń qatysýymen ótetin oıyndar 30 tamyzda shyǵady.
Álemde ne jańalyq?
-
Jańa iPhone 17 tanystyrylady. Apple kompanıasy qyrkúıektiń alǵashqy onkúndiginde jańa smartfon jelisin usynady. Ártúrli úlgileriniń baǵasy 799 dollardan (shamamen 430 myń teńge) bastalady. Satylym 19 qyrkúıekte bastalýy múmkin.
-
7 qyrkúıek – Jer turǵyndary sırek kezdesetin Aıdyń tolyq tutylýyn tamashalaıdy. Qazaqstan ýaqytymen 22:30–23:52 aralyǵynda qubylystyń tolyq fazasy baıqalady.
