Kúzdíń ekínshí aıyna da ayaq bastyq. Qazaqstandyqtardy qazan aıynda qandaı jańalyqtar kútíp tūr? Aqshamnews.kz tílshsíníń materıalynan bílíńíz.
Digital Bridge 2025 jáne Pavel Durovtyń keluí
2–4 qazanda Astanada halyqaralyq Digital Bridge 2025 forumy ótedí. Būl Ortalyq Azıyadaǵy eń úlken IT oqıǵasy bolmaq. Forumǵa álemníń 100 elínen qatysushylar keledí.
2 qazanda Telegram negízín qalaushy Pavel Durov alem.ai jasandy ıntellekt halyqaralyq ortalyǵyn ashu úshín Qazaqstanǵa keledí. Sharaǵa Prezıdent Qasym-Jomart Toqaev, BAÁ jasandy ıntellekt mınıstrí Omar Sūltan ál-Olama jáne Stenford professory Ilya Strebulaev qatysady.
suret: digitalbridge.kz
Múlík salyǵyn tólep úlgeríńíz...
1 qazan - múlík salyǵyn tóleudíń sońǵy kúní. Jeke tūlǵalar osy kúnge deıín salyqtaryn tólep úlgeruí kerek. Uaqytynda tólemegen jaǵdaıda 2 qazannan bastap boryshker sanalasyz. Qaryz kólemí 1 AEK-ten assa, 30 jūmys kúnínen soń sot oryndaushylary shara qoldana alady: shotty būǵattau, shetelge shyǵudy shekteu.
Salyq bereshekterín e-Salyq Azamat qosymshasy, eGov.kz, bankomattar jáne bankter arqyly tólep úlgeruíńízge bolady.
suret: gov.kz
Sayahatshylar úshín tyń jańalyq
1 qazannan bastap 21 jasqa tolmaǵandar Sharm-el-Sheıhke tek ata-anasymen nemese notarıaldy senímhat arqyly bara alady. Ol úshín tuu turaly kuálík, pasport qajet bolady. Senímhat orys tílínde de jaramdy.
Al 29 qazanda SCAT áue kompanıyasy Aktaudan Shardjaǵa (BAÁ) tíkeleı reıs ashady. Ūshaq aptasyna ekí ret ūshatyn bolady.
suret: toping.uz
Almatylyqtardy erekshe sport jáne mádenı sharalar kútíp tūr
21 qazanda almatylyq komanda óz alańynda Kıprlík "Pafospen" oınaıdy. Bastaluy - 21:45-te. Bıletter resmı saıtta matchqa jaqyn kúnderí satylymǵa shyǵady.
Al áıgílí Andrea Bocelli-díń kontsertín 28 qazan, Almaty Arena-dan tamashalauǵa bolady (bıletter 45 000 tg-den bastalady). SABATON -nyń keshí 10 qazan, Baluan Sholaq atyndaǵy sport saraıynda (25 000 tg-den bastap) bolady.
suret: Getty Images
Qazanda qansha kún demalamyz?
25 qazanda elímíz Respublıka kúnín atap ótedí. Resmı demalys dúısenbí, 27 qazanǵa auystyrylǵandyqtan 25–27 qazan aralyǵynda úsh kúndík demalys bolady. El boıynsha túrlí kontsertter, sheru, sporttyq sharalar ótedí.
Jalpy qazan aıynda taǵy da bírqatar kásíbı merekeler bar:
-
5 qazan - Mūǵalímder kúní
-
1 qazan - Joǵary bílím qyzmetkerlerí kúní
-
10 qazan - Kásípodaq kúní jáne basqa da salalyq datalar atap ótíledí.
