Múgedektígí bar adamdardyń zańdy qūqyqtaryn qamtamasyz etu jáne olar úshín qoljetímdí orta qalyptastyru maqsatynda 2025 jyldyń qorytyndysy boıynsha Qazaqstanda áleumettík ınfraqūrylymnyń 27 307 nysany tolyqtaı beıímdeldí, dep habarlaıdy aqshamnews.kz
Qazírgí uaqytta Qazaqstan Respublıkasynda 2025–2030 jyldarǵa arnalǵan ınklyuzıvtí sayasat tūjyrymdamasy, «Amanat» partıyasynyń 2023–2027 jyldarǵa arnalǵan Jol kartasy, sondaı-aq Memleket basshysynyń tapsyrmasymen ázírlengen «Halyqpen bírge» jobasy íske asyryluda.
«Amanat» partıyasynyń Jol kartasynda 2023–2027 jyldar aralyǵynda Qoljetímdílíktíń ınteraktıvtí kartasyna (būdan árí – Karta) engízílgen 40 myńnan astam nysandy beıímdeu kózdelgen. Jyl saıyn nysandardyń 20%-y beıímdelíp otyrady. Osylaısha, 2023 jyly – Kartadaǵy nysandardyń 20%-y, 2024 jyly – 40%, 2025 jyly – 60%, 2026 jyly – 80%, 2027 jyly – 100% beıímdeluí tıís.
2025 jyldyń sońyna deıín el boıynsha 25 740 nysandy beıímdeu josparlanǵan, alaıda óńírler jospardy artyǵymen oryndap, 27 307 nysanda beıímdeu jūmystary júrgízíldí. Būl jalpy sanynyń 64%-yn qūraıdy.
Atalǵan 27 307 nysannyń íshínde múgedektígí bar adamdardyń barlyq sanattary úshín qoljetímdílerí:
densaulyq saqtau nysandary – 4 479;
bílím beru nysandary – 9 008;
mádenıet nysandary – 2 146;
sauda jáne qyzmet kórsetu nysandary – 5 213;
memlekettík jáne kvazımemlekettík ūıymdar – 3 994;
ózge de nysandar – 2 467.
Jergílíktí atqarushy organdardyń málímetíne sáıkes, óńírler boıynsha beıímdelgen nysandar sany:
Astana qalasy – 809 nysan;
Almaty qalasy – 5 546 nysan;
Shymkent qalasy – 1 401 nysan;
Abaı oblysy – 869 nysan;
Aqmola oblysy – 1 262 nysan;
Aqtóbe oblysy – 896 nysan;
Almaty oblysy – 1 047 nysan;
Atyrau oblysy – 1 440 nysan;
Shyǵys Qazaqstan oblysy – 1 212 nysan;
Jambyl oblysy – 1 078 nysan;
Jetísu oblysy – 950 nysan;
Batys Qazaqstan oblysy – 1 358 nysan;
Qaraǵandy oblysy – 1 283 nysan;
Qostanaı oblysy – 1 367 nysan;
Qyzylorda oblysy – 1 567 nysan;
Mańǵystau oblysy – 588 nysan;
Pavlodar oblysy – 1 163 nysan;
Soltústík Qazaqstan oblysy – 1 051 nysan;
Túrkístan oblysy – 2 285 nysan;
Ūlytau oblysy – 135 nysan.
«Jyl saıyn kedergísíz orta keńeıíp keledí, būl bízdíń ómír súru jaǵdaıymyzǵa tíkeleı áser etedí. Ásírese, qoǵamnyń kózqarasynyń ózgeruí bízdí quantady: kásípkerler men nysan ıelerí ınklyuzıyanyń shynaıy mańyzyn túsíne bastady. Qoljetímdí orta – būl, eń aldymen, bízdíń derbestígímíz. Būryn kóptegen oryndar bíz úshín fızıkalyq tūrǵyda qoljetímsíz bolsa, búgínde būl kedergíler joıylyp jatyr. Tek pandustar ornatumen ǵana shektelmeı, ǵımarat íshíndegí keshendí jaılylyqqa da kóńíl bólínuí – bíz úshín óte mańyzdy. Memleket pen bıznestíń osyndaı jūmysy bízge barlyǵymen teń dárejede erkín qozǵalyp, eńbek etíp, demaluǵa múmkíndík beredí», – dedí bírínshí toptaǵy múgedektígí bar Dastan Raushanbekov.
Sonymen qatar, 2025 jyly memlekettík baqylau ayasynda halyqty áleumettík qorǵau salasyndaǵy retteu jáne baqylau komıtetíníń óńírlík departamentterí memlekettík basqaru, densaulyq saqtau, áleumettík qorǵau, mádenıet, jeke kásípkerlík, sauda jáne ózge de salalardaǵy 1 176 áleumettík ınfraqūrylym nysanyna tekseru júrgízdí.
Olardyń íshínde: profılaktıkalyq baqylau ayasynda – 322; jospardan tys – 476; prokuratura organdarynyń talaptary boıynsha – 369.
Tekseru nátıjesínde anyqtalǵan būzushylyqtardy joyu turaly 597 nūsqama berílíp, jalpy somasy 96 mln teńgeden asatyn 414 ákímshílík aıyppūl salyndy.
Aıta ketu qajet, profılaktıkalyq baqylau barysynda nysan ıeleríne būzushylyqtar alǵash ret anyqtalǵan jaǵdaıda, olardy joyu turaly ákímshílík jauapkershílíkke tartusyz tek nūsqama ǵana beríledí. Belgílengen merzímde nūsqama oryndalmaǵan jaǵdaıda, aıyppūl salynady.
