Almatyda qauíptí qaldyqtar men sırek kezdesetín qaıta óńdeletín shıkízatty jınau aktsıyasy ótedí, – dep habarlaıdy aqshamnews.kz tílshísí.
Almatyda 2026 jyly 9 nauryzda ekínshí rettík shıkízat pen qauíptí qaldyqtardy jınauǵa arnalǵan ekologıyalyq aktsıya ūıymdastyrylady. Ís-sharaǵa «Eco Almaty» JShS qatysyp, jınalǵan qaldyqtardyń bír bólígín qauípsíz kádege jaratuǵa jáne qaıta óńdeuge jíberudí qamtamasyz etedí.
Aktsıya barysynda qala tūrǵyndarynan 17-den astam túrlí qaıta óńdeletín qaldyq túrí qabyldanady. Olardyń qatarynda plastık, makulatura, shyny, konserví bankílerí, penoplast sekíldí keń taralǵan qaldyqtarmen qatar sırek kezdesetín fraktsıyalar da bar. Atap aıtqanda, elektrondy tehnıka, synap qūramdy qaldyqtar jáne merzímí ótken dárí-dármekter qabyldanady.
Sonymen qatar tūrǵyndar qaıyrymdylyq ūıymdaryna kıím-keshek, ayaq kıím, kítaptar men tūrmystyq zattardy tapsyra alady. Ís-shara ayasynda kítap almasu, bólme ósímdíkterímen almasu jáne Darmarka ūıymdastyrylady. Darmarka – qajetsíz zattardy tegín beríp, ózíńízge qajettí dúnıení alyp ketuge bolatyn arnaıy alań.
Mūndaı ekologıyalyq aktsıyalar qala tūrǵyndarynyń tabıǵatty qorǵau máselesíne degen qyzyǵushylyǵy joǵary ekenín kórsetedí. Būǵan deıín ótkízílgen ís-sharalardyń bírínde nebárí 4 saǵattyń íshínde 2 tonnadan astam qaıta óńdeletín shıkízat pen qaıta paıdalanuǵa jaramdy zattar jınalǵan. Árbír aktsıya saıyn qatysushylar sany da, ekologıya máselesíne beı-jaı qaramaıtyn tūrǵyndar qatary da artyp keledí.
Uaqyty: 12:00-15:00
Ótetín orny: Baluan Sholaq atyndaǵy sport saraıy (Abaı dańǵyly, 44)
