Qazaqstanda Migration.enbek.kz kóshí-qon resurstary portaly (būdan árí – Migration portaly) íske qosyldy, ol keletín sheteldík azamattar turaly aqparatty ortalyqtandyrylǵan basqaru qūraldaryn bíríktíredí, sondaı-aq kóshí-qon salasynda kórsetíletín memlekettík qyzmetterdíń sapasyn arttyruǵa múmkíndík beredí.
Migration portaly – bıznes-protsesterdí reınjınırıngteu jáne kóshí-qon salasyndaǵy memlekettík organdardyń aqparattyq júıeleríníń ózara ís-qımylyn damytu jolymen qūrylǵan ınnovatsıyalyq platforma.
Shetel azamattary turaly aqparatty ortalyqtandyru jáne bírízdendíru kóshí-qon protsesteríníń ártúrlí kezeńderín sınhrondauǵa, derekterdí tıímdírek basqaruǵa, olardy óńdeu merzímderí men shyǵyndaryn qysqartuǵa múmkíndík beredí.
Portalda kóshí-qon salasyndaǵy memlekettík qyzmetterdíń keń spektrí bar, mysaly: «Qandas» mártebesín beru, qonys audarushylar men qandastardy qabyldaudyń óńírlík kvotasyna engízu, «Ata joly» kartasyn beru, pana ízdeushí adam kuálígín alu jáne t. b.
Portal jáne kórsetíletín memlekettík qyzmetter turaly qosymsha aqparatty migration.enbek.kz saıtynan aluǵa bolady.
