Vedomstvo basshysy Aıda Balaevanyń aıtýynsha, ol IýNESKO qaǵıdattaryna sáıkes jergilikti jáne halyqaralyq deńgeıde jumysty qamtıtyn úsh negizgi baǵyt boıynsha júıeli sharalarǵa negizdelgen.
«Birinshi baǵyt – Dúnıejúzilik mádenı jáne tabıǵı murany qorǵaý jónindegi konvensıaǵa sáıkes, IýNESKO qorǵaýyndaǵy eskertkishtermen keshendi jumys júrgizý. Ekinshi, IýNESKO konvensıasynyń qaǵıdattaryna sáıkes, materıaldyq emes mádenı murany nemese «jandy» murany saqtaý jáne qoldaý. Úshinshi baǵyt – IýNESKO-nyń «Álem jady» baǵdarlamasy aıasynda qujattyq murany saqtaý, onyń qoljetimdiligi men tanylýyn qamtamasyz etý», – dep atap ótti mınıstr.
Sonymen qatar, Qazaqstanda materıaldyq emes mádenı mura obektileriniń elementteriniń Ulttyq tizimi qaıta qaraldy. Materıaldyq emes mádenı mura elementteriniń Ulttyq tizimin qaıta zerdeleý nátıjesinde, buǵan deıingi 45 elementtiń sanyn 79 elementke deıin arttyrdy. Qazirgi kezde Qazaqstannyń atynan Adamzattyń materıaldyq emes mádenı murasy tizimine 14 element engizilgen.
Búginde elimizdegi tarıhı-mádenı mura obektileriniń sany 25 myńnan asady. Atap aıtqanda, respýblıkalyq mańyzy bar tarıhı jáne mádenı eskertkishter tiziminde 265 eskertkish bolsa, jergilikti mańyzy bar 12 myńnan asa tarıhı jáne mádenı eskertkishi tirkeldi.
IýNESKO-nyń Búkilálemdik mura tiziminde elimizdiń 10 tarıh jáne mádenı eskertkishi bar.