Elímízde jyl basynan berí 1951 qyzylsha jaǵdaıy tírkeldí, dep habarlaıdy Aqshamnews.kz tílshísí.
Úkímettíń baspasóz qyzmetíníń málímetínshe, byltyr qyzylshaǵa shaldyǵu kórsetkíshí 2024 jylmen salystyrǵanda 85%-ǵa tómendegen. Degenmen bıylǵy kórsetkísh alańdatarlyq deńgeıde qalyp otyr. Aurudyń eń joǵary taraluy Astana jáne Almaty qalalarynda, sondaı-aq Jambyl men Atyrau oblystarynda baıqalǵan.
Nauqastardyń basym bólígí – bes jasqa deıíngí balalar. Olardyń arasynda ekpe almaǵandar, sonyń íshínde vaktsınadan bas tartqan otbasylardyń balalary kóp.
Jıyn barysynda óńírlerdegí epıdemıologıyalyq ahual qaralyp, vaktsınatsıyamen qamtu máselesíne erekshe nazar audaryldy. Mańǵystau oblysynda negízgí ekpeler boıynsha josparly kórsetkíshterge qol jetkízílmegení atap ótíldí.
Qorytyndylaı kele, aımaqtyq shtabtarǵa qyzylsha boıynsha jaǵdaıdy kúndelíktí baqylau, bastapqy medıtsınalyq buynda túsíndíru jūmystaryn kúsheıtu jáne halyq arasynda ımmundaudyń mańyzyn nasıhattaudy jandandyru tapsyryldy.
