Almatyda shyǵarmashylyq jáne akademıyalyq qauymdastyq ókílderí konstıtutsıya jobasy men aldaǵy referendum jónínde píkír bíldíríp, onyń memleket pen mádenıet salasyna bolashaqta qalaı áser etetínín aıtty, – dep habarlaıdy aqshamnews.kz tílshísí.
Rejısser, óner qaıratkerí Bolat Qalymbetov negízgí zańnyń strategıyalyq rólín atap óttí.
«Konstıtutsıya – bízdíń negízgí zańymyz, úlken strategıyalyq qūjat. Tereńírek oılasaq, dál osy qūjatta bolashaq memlekettíń negízí men onyń táuelsízdígíníń kepíldígí qalanǵan. Akademıya studentterí, oqytushylar, professorlar, halyq ártísterí – barlyǵymyz azamattyq ūstanymymyzdy tanytyp, bír kísídeı referendumǵa keluímíz kerek», – deıdí ol.
Professor, Qazaqstannyń eńbek síńírgen qaıratkerí Jūmaqyn Qaırambaev kez kelgen qoǵam úshín negízgí zańnyń tarıhı mańyzy óte zor ekenín aıtady.
«Ejelgí zamannan búgínge deıín ár halyqtyń óz negízgí zańy bolǵan. Keıde ol auyzsha, keıde jazbasha túrde bolǵanymen, bíraq bolǵan ol. XXI ǵasyrda táuelsízdíktí, tílímízdí, ūltaralyq kelísímdí saqtau úshín berík qūqyqtyq negíz boluy kerek. Bíz úshín mūndaı negíz – konstıtutsıya».
Ónertanushy, professor Baqyt Nūrpeıís jańa konstıtutsıya jobasyndaǵy zıyatkerlík menshíktí qorǵauǵa qatysty bapqa toqtaldy.
«Qazír jańa konstıtutsıya jobasyn bárí talqylap jatyr. Meníń oıymsha, onda zıyatkerlík menshík máseleleríne kóp kóńíl bólíngen, būl ásírese óner salasy úshín óte kerek dúnıe. Áńgíme stsenarııge, muzykalyq shyǵarma men basqa da shyǵarmashylyq eńbekke avtorlyq qūqyqty qorǵau turaly bolyp otyr. Aldaǵy ózgeríster mádenıettí saqtau men damytuǵa oń yqpal etedí degen úmít bar», – dep qorytty.
