Qarjy monıtorıng agenttígí Almaty oblysynda bírneshe jelísí bar jekemenshík stomatologıyanyń MÁMS ayasyndaǵy qyzmetter boıynsha «Damumed» júıesíne jalǵan málímet engízíp, írí kólemde qarjy jymqyrǵanyn anyqtady, – dep habarlaıdy aqshamnews.kz tílshísí.
Zalal somasy – 66 mln teńge.
QMA málímetínshe, jeke stomatologıyalyq klınıkalardyń dırektory Áleumettík medıtsınalyq saqtandyru qorymen jalpy qūny 450 mln teńgeden asatyn medıtsınalyq qyzmetterdí satyp alu turaly kelísímsharttar jasaǵan. Qūjat boıynsha klınıkalar azamattarǵa míndettí áleumettík medıtsınalyq saqtandyru júıesí ayasynda shūǵyl jáne josparly stomatologıyalyq kómek kórsetuge tıís bolǵan.
Alaıda tergeu deregíne súıensek, kúdíktí «Damumed» aqparattyq júıesíne ortodontıyalyq qyzmet kórsetíldí degen jalǵan aqparat engízudí ūıymdastyrǵan. Naqtysynda būl qyzmetter patsıentterge ūsynylmaǵan.
Zańsyz áreketterín búrkemeleu úshín kúdíktí dárígerlerdíń eseptík jazbalaryn jáne būryn klınıkaǵa júgíngen kámeletke tolmaǵan patsıentterdíń jeke derekterín rūqsatsyz paıdalanǵan. Sonyń nátıjesínde 4 597 adamǵa «qyzmet kórsetíldí» degen jalǵan jazba tírkelgen.
Sot kúdíktíníń bank shottaryndaǵy 23 mln teńgesíne jáne qūny 29 mln teńge bolatyn stomatologıyalyq jabdyqtarǵa tyıym saldy. Tergeu barysynda 11 mln teńge ótelgen. Kúdíktíge qatysty úıqamaq túríndegí būltartpau sharasy tańdaldy.
