2025 jyly Qazaqstanda ıslamdyq ıpoteka beríle bastaıdy dep kútílgen edí. Alaıda būl norma qazír parlament qarastyryp jatqan «Bankter jáne bank qyzmetí turaly» zań jobasyna engízílmegen, dep habarlaıdy aqshamnews.kz
“Otbasy bank” basshysynyń aıtuynsha, sońǵy ekí aptada áleumettík jelílerde arnaıy chellendj júríp jatyr. Onda azamattar ıslamdyq ıpotekany íske qosudy talap etken.
«Būl – óte úlken sūranys. Halyq, ásírese jastar, dínı qaǵıdalardy ūstanady. Zań jobasy Májílíske engízílgen kezde tūrǵyn úı qūrylys jınaq júıesínde ıslamdyq qarjylandyru normasy bolǵan. Bíraq, ókíníshke qaraı, zań jobasy shyqqan kezde ol norma joǵalyp kettí. Bíz endí Senatqa júgínudí josparlap otyrmyz. Jūmys tobyna qatysyp, osy máselení qaıta kóteruge bolady ma degen oıdamyz», – dedí Ibragımova.
MEMORANDUM JÁNE JOSPARLAR
2024 jyldyń jeltoqsanynda «Otbasy bank», Qazaqstan qūrylysshylar odaǵy jáne Islamdyq qarjy men bıznes qauymdastyǵy ıslamdyq qarjy ındustrıyasyn damytu jónínde memorandumǵa qol qoıǵan bolatyn. Sol kezde 2025 jyly ıslamdyq ıpoteka íske qosylady dep josparlanǵan edí. Bank tūrǵyn úı qūrylys jınaq júıesí arqyly ıslamdyq qaǵıdalarǵa saı baspana aludyń joldaryn qarastyrudy kózdegen.
ISLAMDYQ IPOTEKANYŃ EREKShELÍGÍ
Islamdyq ıpoteka – ıslamdyq qarjy qūqyǵynyń qaǵıdalaryna negízdelgen júıe. Būl júıede paıyzdyq ústeme aqy aluǵa qatań tyıym salynady. Dástúrlí banktík sektorda ıpoteka nesıege paıyz qosumen beríledí. Al ıslamdyq qarjy júıesínde paıyz zańsyz dep sanalady, sebebí ol ádíldík pen adaldyq qaǵıdalaryn būzady.
