2026 jylǵy qańtar-mamyr aılarynyń qorytyndysy boıynsha Qazaqstanda 25,7 myń tonna írímshík pen súzbe óndíríldí. Būl ótken jyldyń sáıkes kezeńímen salystyrǵanda 28% artyq. Óndírís kólemí 5,6 myń tonnaǵa óstí, – dep habarlaıdy aqshamnews.kz tílshísí.
2026 jylǵy qańtar-mamyr aralyǵynda qazaqstandyq óndírushíler shetel naryǵyna shamamen 0,9 myń tonna írímshík pen súzbe eksporttady. Otandyq óním Reseıde, Qyrǵyzstanda jáne Armenıyada tūraqty sūranysqa ıe. Sonymen qatar ótkízu naryǵynyń geografıyasy keńeıíp keledí: Ózbekstan men Mońǵolıyaǵa jetkízílím kólemí aıtarlyqtaı artty, sondaı-aq Ázerbaıjan men Koreya Respublıkasynyń naryqtaryna alǵashqy eksporttyq jetkízílímder júzege asyryldy.
Otandyq óndírís kólemíníń artuyna baılanysty 2025 jyldyń sáıkes kezeńímen salystyrǵanda írímshík pen súzbe ımporty 9,2% tómendedí.
Íshkí naryqta sūranystyń tūraqty ósímí baıqalady. 2026 jylǵy bes aıdyń qorytyndysy boıynsha írímshík pen súzbení ótkízu kólemí 41,4 myń tonnany qūrap, ótken jyldyń sáıkes kezeńímen salystyrǵanda 11,2%-ǵa óstí.
2026 jylǵy mausymdaǵy jaǵdaı boıynsha Qazaqstanda súzbeníń ortasha bólshek sauda baǵasy bír kılogramyna 2 457 teńgení qūrady. Eń tómengí ortasha baǵa Petropavl qalasynda tírkeldí – bír kılogramy 1 661 teńge, al eń joǵary baǵa Jezqazǵan qalasynda –bír kılogramy orta eseppen 3 060 teńge boldy.