2026 jyldyń basynan berí Astana qalasy men bírneshe óńírde júrgízushí kuálíkterín beru jáne memlekettík qyzmet kórsetu salasynda írí sybaılas jemqorlyq shemalary anyqtaldy. Tergeu barysynda 100 mln teńgeden astam zańsyz syıaqyǵa qatysty ondaǵan derek tírkelgen, – dep habarlaıdy aqshamnews.kz tílshísí.
Qazaqstanda sybaılas jemqorlyqqa qarsy kúres ayasynda memlekettík qyzmet kórsetu salasyndaǵy zańbūzushylyqtar áshkereleníp jatyr.
2026 jyldyń basynan berí Astana qalasy, Aqmola jáne Pavlodar oblystarynda avtomektepterdíń qyzmetín ūıymdastyru jáne júrgízushí kuálíkterín rásímdeu kezínde zańsyz áreketter tírkeldí. Atap aıtqanda, para alu jáne qyzmettík ókílettíkterdí terís paıdalanu deregí anyqtalǵan.
Astanada Mamandandyrylǵan halyqqa qyzmet kórsetu ortalyǵy basshysynyń būrynǵy orynbasary azamattarǵa júrgízushí kuálígín aluǵa kómektesu úshín júıelí túrde para alyp otyrǵany belgílí boldy. Ol emtıhan tapsyru protsesín zańsyz jolmen jeńíldetíp otyrǵan.
Jalpy alǵanda, 100 mln teńgeden asatyn 60-tan astam sybaılas jemqorlyq deregí protsestík túrde qūjattalǵan.
Sonymen qatar, Kókshetau qalasyndaǵy Mamandandyrylǵan HQKO men Ekíbastūz qalasyndaǵy «Azamattarǵa arnalǵan úkímet» memlekettík korporatsıyasy fılıaldarynyń basshylary da zańsyz áreketterí úshín jauapkershílíkke tartyluda. Olar jalǵan tūlǵalar arqyly emtıhan tapsyrudy ūıymdastyryp, aqshalaı syıaqy alǵan.
Būdan bólek, Astana, Shymkent jáne Taraz qalalaryndaǵy osy korporatsıya fılıaldarynda jyljymaıtyn múlíktí qaıta tírkeu kezínde qyzmettík ókílettíkterín terís paıdalanu jáne zańsyz bayu derekterí anyqtalǵan.
Būl derekter boıynsha sotaldy tergep-tekseru júrgízílude. Qylmystyq-protsestík kodekstíń 201-babyna sáıkes, ózge aqparat jarıya etuge jatpaıdy.