Qazaqstanda estu jáne sóıleu qabíletí shekteulí jandardyń ómírín arqau etken tūńǵysh tolyqmetrajdy kórkem fılm túsírílíp jatyr. «Tūyaq» dep atalatyn tuyndy otbasy, keshírím, ózara túsínístík pen adamǵa beríletín ekínshí múmkíndík turaly bayandaıdy, – dep habarlaıdy aqshamnews.kz tílshísí.
Fılm QR Mádenıet jáne aqparat mınıstrlígí men Ūlttyq kınony qoldau memlekettík ortalyǵynyń qoldauymen júzege asuda. Tuyndynyń prodyuserí – Batyr Sazahanov, qoyushy rejısserí – Nūrǵısa Álmūrat.
Oqıǵa shaǵyn auylda anasy Márıyammen bírge tūratyn Sabyr men Aman esímdí aǵaıyndy jígítterdíń taǵdyryna qūrylǵan. Úlkení Sabyr tumysynan estu qabíletínen aıyrylǵan. Soǵan qaramastan ol óz ísíne ūqypty, talantty mal dárígerí. Al ínísí Aman aǵasyna únemí qolǵabys etíp, estıtínder men estu qabíletí shekteulí jandar álemín jalǵaıtyn senímdí dánekerge aınalǵan.
Aǵaıyndylardyń tuǵan jerge degen súıíspenshílík pen bolashaqqa qūrǵan armanǵa toly mamyrajaı ómírí jıyrma jyl būryn íz-túzsíz joǵalyp ketken ákesíníń qaıta oraluymen kúrt ózgeredí. Onyń keluí ūmyt bolǵan estelíkterdí jańǵyrtyp, íshte jınalǵan ókpe men jauapsyz qalǵan sūraqtardy qaıta qozǵaıdy. Otbasynyń árbír múshesí ótkenníń ashchy shyndyǵymen betpe-bet keluge májbúr bolady.
Rejısser Nūrǵısa Álmūrattyń aıtuynsha, fılmníń basty maqsaty – erekshe jandarǵa ayaushylyqpen qarau emes, olardyń íshkí álemín, ómírdí qabyldau erekshelígín jáne qoǵammen qarym-qatynasyn shynaıy kórsetu.
«Būl – Qazaqstandaǵy alǵashqy osyndaı fılm. Bíz olardyń íshkí álemín ashuǵa tyrystyq. Olar dúnıení qalaı qabyldaıdy, qoǵammen qalaı baılanys ornatady – osynyń bárín kórsetu mańyzdy boldy. Fılmde otbasy qūndylyǵy, áke men bala arasyndaǵy baılanys, jauapkershílík pen keshírím taqyryptary keńínen kórínís tabady», – deıdí rejısser.
Kartınada kásíbı akterlermen qatar estu jáne sóıleu qabíletí shekteulí azamattar da ról somdaıdy. Túsírílím toby arnaıy ortalyqtarda kastıng ótkízíp, keıípkerlerdí sol jerden tańdaǵan. Avtorlar mūndaı sheshím ekrandaǵy tabıǵılyq pen shynaıylyqty saqtau úshín qabyldanǵanyn aıtady.
Túsírílím barysynda su men jaryq sekíldí kórkem metaforalarǵa da erekshe mán berílgen. Būl tásíl arqyly kórermenge keıípkerlerdíń íshkí kúıí men sezím álemín tereńírek jetkízu kózdelgen.
«Tūyaq» – estu qabíletí shekteulí jandardyń taǵdyry arqyly otbasy, jady, aıyrylu, sením jáne keshírím sekíldí mańyzdy taqyryptardy qozǵaıtyn adamgershílík drama. Fılm keıde eń qasterlí sózderdíń eshqandaı dybyssyz-aq, únsízdíkte aıtylatynyn ūqtyrady.