Elímízdíń 9 óńírínde mektepte bullıngtíń aldyn aluǵa jáne ony azaıtuǵa baǵyttalǵan otandyq «DosbolLIKE» baǵdarlamasynyń aprobatsıyasy sáttí ayaqtaldy.
Baǵdarlamaǵa elímízdegí 50 mektepten shamamen 70 myń oqushy men 5,5 myńnan astam pedagog qatysty, dep habarlaıdy aqshamnews.kz.
Oqu-aǵartu mınıstrlígíníń málímetínshe, baǵdarlamany júzege asyru bírneshe kezeńnen tūrdy: qazírgí ahualdy dıagnostıkalau, mektepíshílík bullıngtíń aldyn alu júıesín qūru, pedagogterdí oqytu jáne ata-analardy tartu. Árbír mektep dıagnostıkanyń nátıjeleríne súıene otyryp, barlyq qatysushylardyń – oqushylar, mūǵalímder men ata-analardyń qatysuymen bullıngke den qoyudyń óz modelín qalyptastyrdy.
Aprobatsıya qorytyndysy boıynsha oqushylar men pedagogter arasynda júrgízílgen saualnamalar mektep ortasynda aıtarlyqtaı oń ózgeríster bolǵanyn kórsettí. Atap aıtqanda, 2025 jyly bullıngke qatysushy agressorlardyń (bullerlerdíń) úlesí 2024 jylmen salystyrǵanda 1,5%-ǵa tómendedí. Sonymen qatar, ózderín jábírlenushí sezínetín oqushylardyń (vıktımderdíń) sany 5,4%-ǵa azaıdy. Būǵan qosa, sením arta alatyn, syryn bólíse alatyn eresek tálímgerí bar balalardyń sany úsh ese ósken.
«Aprobatsıya barysynda júıelí tásíldíń jáne barlyq taraptardyń – oqushylardyń, pedagogterdíń, ata-analardyń belsendí qatysuynyń tıímdílígí dáleldendí. Bíz tek janjaldar sanynyń azaıǵanyn ǵana emes, sonymen qatar mektep qauymdastyǵy íshíndegí sením men qoldaudyń artqanyn kóríp otyrmyz. Būl – qauípsíz árí qoldaushy orta qalyptastyrudyń basty sharty», – deıdí QR Oqu-aǵartu mınıstrlígí Balalardyń qūqyqtaryn qorǵau komıtetíníń tóraǵasy Nasymjan Ospanova.
Aıta keteıík, bullıngke qarsy baǵyttalǵan «DosbolLIKE» baǵdarlamasy 2025 jylǵy 1 qyrkúıekten bastap elímízdegí barlyq mektepter men kolledjderde engízíle bastaıdy. Qazírgí uaqytta ony auqymdy túrde íske asyru úshín daıyndyq jūmystary júrgízílude.
