Qazaqstanda jyldyq tıimdi syıaqy mólsherlemesiniń shekti deńgeıleri aıqyndaldy.
Bul týraly Qarjy naryǵyn retteý jáne damytý agenttigi men Ulttyq banktiń birlesken qaýlysynda kórsetilgen, - dep habarlaıdy Aqshamnews.kz.
Osylaısha, banktik qaryzdar boıynsha eń joǵary jyldyq mólsherlemeler belgilendi:
– kepilsiz banktik qaryzdar boıynsha – 46%;
– kepilmen qamtamasyz etilgen banktik qaryzdar boıynsha – 35%;
– ıpotekalyq turǵyn úı qaryzdary boıynsha – 25%.
Mıkroqarjylyq qyzmetti júzege asyratyn uıymdar beretin mıkrokredıtter boıynsha jyldyq tıimdi syıaqy mólsherlemesi 46%-dan aspaýy tıis.
Al merzimi 45 kúnge deıingi jáne somasy 45 aılyq eseptik kórsetkishten aspaıtyn mıkrokredıtter boıynsha mólsherleme táýligine 0,3%-dan, al jyldyq eseppen 179%-dan joǵary bolmaýy qajet.