Eksporttyń eń írí naryǵy būrynǵysynsha Qyrǵyzstan bolyp otyr, dep habarlaıdy aqshamnews.kz tílshísí.
2026 jylǵy qańtar-mamyr aılarynyń qorytyndysy boıynsha Qazaqstanda 1,6 mlrd lıtr mıneraldy su men alkogolsíz susyn óndíríldí. Būl ótken jyldyń sáıkes kezeńímen salystyrǵanda 17%-ǵa kóp.
Íshkí naryqtaǵy ótkízu kólemí 1,7 mlrd lıtrge jetíp, 21% artty. Sonymen qatar alkogolsíz susyndar ımporty 29,6% ósíp, 217,1 mln lıtrdí qūrady. Íshkí naryqtaǵy ımporttyq ónímníń úlesí 11,4% boldy.
Eksporttyń negízgí bólígín dástúrlí túrde qant nemese ózge de táttílendírgíshter, sondaı-aq hosh ıístendírgísh jáne dámdík qospalar qosylǵan sular men basqa da alkogolsíz susyndar qūrady. Eseptí kezeńde osy óním túríníń eksporty 172,8 mln lıtrge jetíp, aqshalaı kólemí 75,5 mln AQSh dollaryn qūrady.
Eksporttyń eń írí naryǵy būrynǵysynsha Qyrǵyzstan bolyp otyr. Būl elge 94,9 mln lıtr óním eksporttalyp, onyń qūny 39,0 mln AQSh dollaryn qūrady.
Ózbekstanǵa eksport kólemí aıtarlyqtaı ósíp, 39,2 mln lıtrden 48,3 mln lıtrge deıín ūlǵaıdy. Al jetkízílím qūny 28,1 mln AQSh dollaryna jettí.
Eń joǵary ósím Reseıge eksportta baıqaldy. Jetkízílím kólemí 2,5 eseden astam artyp, 9,2 mln lıtrden 23,5 mln lıtrge deıín óstí. Sondaı-aq Armenıyaǵa eksport kólemí shamamen 10 esege ūlǵaıyp, 548,5 myń lıtrge jettí. Ázerbaıjan men Gruzıyaǵa jetkízílímder 12 eseden astam ósíp, tıísínshe 342,1 myń jáne 393,5 myń lıtrdí qūrady.
Būdan bólek, Tájíkstanǵa eksport 2,5 mln lıtrden 2,9 mln lıtrge deıín, Mońǵolıyaǵa 802,1 myń lıtrden 930,2 myń lıtrge deıín, al Koreya Respublıkasyna 117,7 myń lıtrden 171,5 myń lıtrge deıín artty.
Aıta keteıík, 2025 jyldyń qorytyndysy boıynsha Qazaqstanda alkogolsíz susyn óndírísímen 145 kásíporyn aınalysty.