Jazǵy mausymnyń jalǵasuyna jáne respublıkalyq mańyzy bar avtomobıl joldaryndaǵy, ásírese demalys aımaqtary men óńíraralyq baǵyttardaǵy kólík qozǵalysynyń qarqyndylyǵynyń artuyna baılanysty júrgízushílerge asa mūqıyat bolu ūsynylady, dep habarlaıdy aqshamnews.kz tílshísí.
Belgílengen jyldamdyq rejımín saqtau, basyp ozu qaǵıdalaryn qatań oryndau, sharshaǵan kúıde kólík tízgíníne otyrmau, sondaı-aq qozǵalys qarqyny joǵary uchaskelerde jáne qarańǵy uaqytta erekshe saqtyq tanytu qajet. Balalardy tasymaldau kezínde qauípsízdík beldíkterí men arnaıy balalardy ūstap tūratyn qūrylǵylardy míndettí túrde paıdalanu kerek. Jol qozǵalysyna qatysushy árbír adamnyń tártíbí men jauapkershílígí jol qauípsízdígíníń basty kepílí bolyp qala beredí, óıtkení jol-kólík oqıǵalarynyń basym bólígí adam faktorynan tuyndap otyr.
Taldau kórsetkendeı, jol-kólík oqıǵalarynyń negízgí sebebí – júrgízushílerdíń kólík tártíbín saqtamauy. Jol-kólík oqıǵalarynyń 91%-y jol qozǵalysy qaǵıdalaryn óreskel būzumen baılanysty. Qūqyq būzushylyqtardyń íshínde jyldamdyqty arttyru – 33%, kólík qūralyn basqarudy joǵaltu – 14%, araqashyqtyqty saqtamau – 13%, jol belgíleríníń talaptaryn elemeu – 10% qūraıdy. Būl derekter kólík tártíbín nyǵaıtu jol-kólík oqıǵalarynyń sanyn odan árí azaıtudyń negízgí rezerví ekenín dáleldeıdí.
Sonymen qatar, 2026 jyldyń bírínshí jartyjyldyǵynda respublıkalyq mańyzy bar avtomobıl joldarynda jol-kólík oqıǵalarynyń sany azaıdy. Jol-kólík oqıǵalarynyń sany 9%-ǵa tómendep, 1 507 jaǵdaıdan 1 371 jaǵdaıǵa deıín qysqardy. Būl dınamıkaǵa kólíktík júktemeníń aıtarlyqtaı ósuí ayasynda qol jetkízíldí – jarty jylda qozǵalys qarqyndylyǵy 37%-ǵa artyp, 22,3 mln kólík qūralyn qūrady.
Jol-kólík oqıǵalarynyń sanyn azaıtuǵa yqpal etken qūraldardyń bírí – jalpy ūzyndyǵy 2,3 myń shaqyrymdy qūraıtyn aqyly jol uchaskelerínde engízílgen ortasha jyldamdyqty baqylau júıesí. Būl shara atalǵan uchaskelerde jol-kólík oqıǵalarynyń sanyn 17%-ǵa tómendetuge múmkíndík berdí.
Sońǵy bes jylda respublıkalyq mańyzy bar 11 myń shaqyrym avtomobıl jolynyń 45%-y I jáne II tehnıkalyq sanattarǵa auystyryldy. Nátıjesínde qarsy baǵyttaǵy kólík aǵyndary bólíníp, joldyń júru bólígí keńeıtíldí. Tranzıttík kólík qozǵalysyn eldí mekenderden shyǵaru maqsatynda 65 aınalma jol jáne 38 jerústí jayau júrgínshíler ótkelí salyndy.
Jol qozǵalysy qauípsízdígín arttyru baǵdarlamasy ayasynda joldaǵy jaǵdaı men jyldamdyq rejımí turaly aqparat beretín jol belgílerí men auyspaly aqparattyq tablolar ornatyldy. Sondaı-aq 22 aqyly jol uchaskesínde jyldamdyqty baqylauǵa arnalǵan 56 lazerlík qūrylǵylar íske qosyldy. Būdan bólek, jyl saıyn 8 myńnan astam jol belgísí auystyrylyp, jol tańbalary jańartylyp, baǵdarshamdar men jayau júrgínshíler ótkelderí ornatylady.
Qazaqstan Respublıkasy Kólík mınıstrlígíníń Avtomobıl joldary komıtetí jol qozǵalysyna qatysushylardyń barlyǵyn jol qozǵalysy qaǵıdalaryn qatań saqtauǵa shaqyrady. Joldaǵy qauípsízdík árbír júrgízushíníń jauapkershílígíne baılanysty ekenín ūmytpau kerek.