Elektr jelísíne tıíp tūrǵan aǵash būtaqtary tūtanyp, órt shyqqan, dep habarlaıdy aqshamnews.kz tílshísí.
3 tamyzda saǵat 23:30 shamasynda Atyrau qalasyndaǵy M. Ótemísov kóshesínde ornalasqan tūrǵyn úılerdíń bíríníń aulasynda elektr jelísíne tıíp tūrǵan aǵash būtaqtary tūtanyp, órt shyqqan.
Sol sátte kósheden ótíp bara jatqan Atyrau qalasy polıtsıya basqarmasynyń yuvenaldy polıtsıya tobynyń ınspektory Maksım Dosqalıev qauíptí jaǵdaıdy baıqaıdy. Ol sol kúní saǵat 21:00-de qyzmetín ayaqtap, jeke sharuasymen kele jatqan bolatyn.
Jaǵdaıdyń kúrdelílígín bírden baǵamdaǵan polıtsıya qyzmetkerí uaqyt joǵaltpaı tūrǵyn úıge kíríp, adamdardy syrtqa shyǵardy. Tūrǵyndar qauípsíz jerge evakuatsıyalanyp, yqtımal qauíptíń aldyn aluǵa múmkíndík tudy.
Polıtsıya qyzmetkerí Maksım Dosqalıevtíń qyraǵylyǵy men der kezínde qabyldaǵan sheshímíníń arqasynda tūrǵyndardyń qauípsízdígí qamtamasyz etílíp, órttíń auyr saldarǵa ákelu qaupí seıíldí.
Polıtsıya qyzmetkeríníń míndetí tek qyzmettík uaqytpen shektelmeıdí. Qoǵamdyq qauípsízdíkke qater tóngen kez kelgen jaǵdaıda tártíp saqshysy azamattardyń ómírí men qauípsízdígín qorǵauǵa daıyn boluy tıís.