Memleket basshysynyń zańsyz shetelge shyǵarylǵan aktıvterdí qaıtaru jáne būl qarajatty eldíń damuyna baǵyttau jóníndegí tapsyrmalaryn júzege asyru ayasynda Úkímet óńírlerdegí áleumettík mańyzy bar nysandardy qarjylandyrudy jalǵastyryp keledí, dep habarlaıdy aqshamnews.kz tílshísí.
Aqtóbe oblysyndaǵy Sarybūlaq jer asty sulary ken ornynan toptyq su qūbyryn saluǵa Arnauly memlekettík qordan 5 mlrd teńge bólíndí. Joba tūrǵyn úı qūrylysy qarqyndy júrgízílíp, kommunaldyq jelílerge túsetín júkteme artyp kele jatqan Aqtóbe qalasynyń Batys-1, Batys-2 jáne Batys-3 shaǵyn audandaryn tūraqty auyz sumen qamtamasyz etuge baǵyttalǵan.
Sarybūlaq ken orny oblys ortalyǵynan 56 shaqyrym jerde ornalasqan. Joba ayasynda mūnda 20 artezıan ūńǵymasy būrǵylanyp, qajettí ınfraqūrylymmen jabdyqtalady. Sondaı-aq toptyq su qūbyry salynyp, jelíler tūrǵyn úı alaptaryna deıín jetkízíledí. Qūrylys jūmystary bıyl bastalady.
Nysan paıdalanuǵa berílgennen keıín Aqtóbe qalasynyń tūrǵyndary, sondaı-aq Alǵa jáne Mūǵaljar audandaryndaǵy eldí mekender táulígíne qosymsha 70 myń tekshe metrge deıín auyz sumen qamtamasyz etíledí. Onyń íshínde oblys ortalyǵynyń qarqyndy damyp jatqan audandarynyń ósíp kele jatqan sūranysyn óteu úshín táulígíne 25 myń tekshe metr su baǵyttalady. Sarybūlaq ken ornynyń barlanǵan qory óńírdí aldaǵy 30 jyl boıy tūraqty auyz sumen qamtamasyz etuge jetkílíktí.
2024–2026 jyldar aralyǵynda Arnauly memlekettík qor qarajaty esebínen Úkímet jalpy qūny 610 mlrd teńgení qūraıtyn 500-den astam áleumettík jobany qarjylandyrudy maqūldady. Olardyń basym bólígí búgínde paıdalanuǵa beríldí. Onyń íshínde jalpy qūny 226,5 mlrd teńgení qūraıtyn 267 joba su ınfraqūrylymyn damytuǵa baǵyttalǵan.
