Chempıonattyń basty maqsaty – qorǵanys salasyna arnalǵan ozyq ınjenerlík sheshímderdí anyqtap, olardy keıínnen Qazaqstan Qaruly kúshteríníń qajettílígíne engízu, – dep habarlaıdy aqshamnews.kz tílshísí.
Sonymen qatar joba áskerı jáne azamattyq ınjenerlerdíń, ǵalymdar men IT-mamandardyń tájírıbe almasuyna múmkíndík beretín mańyzdy alań retínde qarastyrylyp otyr.
Bírínshí kezeńge elímízdíń ár óńírínen 150 qatysushydan qūralǵan 19 ınjenerlík komanda tírkeldí. Olardyń qatarynda áskerı oqu oryndarynyń, joǵary oqu oryndarynyń, ınjenerlík mektepterdíń, qorǵanys-ónerkásíp keshení kásíporyndarynyń jáne Qazaqstan Qaruly kúshterí bólímsheleríníń ókílderí bar.
Chempıonattyń saltanatty ashylu rásímínde sóz sóılegen Qazaqstan Respublıkasy Qorǵanys mınıstríníń orynbasary Darhan Ahmedıev būl bastamanyń elímízdíń qorǵanys áleuetín nyǵaıtudaǵy mańyzyn erekshe atap óttí.
– «SHAIQAS-2026 – būl jaı ǵana jarys emes. Būl – daryndy ázírleushílerdí anyqtap, otandyq úzdík ınjenerlík sheshímderdí elímízdíń qorǵanys júıesíne engízuge múmkíndík beretín joba. Osyndaı tehnologıyalar qazírgí zamanǵy armıyanyń bolashaǵyn aıqyndaıdy», – dedí ol.
Qazírgí uaqytta polıgonda chempıonattyń testílík kezeńí ótíp jatyr. Būl kezeńde komandalardyń tehnıkalyq ázírlemelerí men fınaldyq synǵa daıyndyǵy jan-jaqty baǵalanatyn bolady. Mamandar jabdyqtardyń jūmysqa qabílettílígín, ınjenerlík sheshímderdíń senímdílígín jáne qatysushylardyń kásíbı dayarlyq deńgeıín tekseredí. Testílík kezeńníń qorytyndysy boıynsha fınalǵa joldama alatyn úzdík komandalar anyqtalady.
Chempıonat tórt negízgí baǵyt boıynsha ūıymdastyrylǵan. Olar – «Aspan», «Jer», «Kıberqauípsízdík» jáne «Taktıka».
«Aspan» baǵyty boıynsha qatysushylar FPV-drondardy basqaryp, áue barlauyn júrgízu, júkterdí dál jetkízu sıyaqty tapsyrmalardy oryndaıdy.
«Jer» kezeńínde robottandyrylǵan keshenderdíń kómegímen ınjenerlík míndetterdí oryndap, shartty túrde jaralanǵandardy qauípsíz aımaqqa evakuatsıyalau boıynsha sheberlíkterín kórsetedí.
Al «Kıberqauípsízdík» kezeńínde arnaıy polıgonda ūıymdastyrylǵan kıbershabuyldarǵa qarsy tūryp, aqparattyq júıelerdí qorǵau qabíletterín synaıdy.
«Taktıka» baǵyty ayasynda qatysushylar taktıkalyq ís-qımyl, atys daıyndyǵy jáne áskerı-medıtsınalyq kómek kórsetu boıynsha keshendí synaqtardan ótedí.
Chempıonattyń fınaldyq kezeńí 14-15 tamyz kúnderí «Amandyq» oqu ortalyǵynyń bazasynda ótedí. Fınalǵa aralyq íríkteuden súrínbeı ótken komandalar qatysady. Olar dalalyq jaǵdaıda praktıkalyq tapsyrmalardy oryndap, ózderíníń tehnıkalyq sheshímderí men kásíbı sheberlíkterín synǵa salady. Fınaldyq jarys onlaın rejımde tíkeleı efırde kórsetíledí.
Jeńímpazdardy qomaqty syıaqy kútíp tūr. Chempıonattyń jalpy júlde qory 18 mıllıon teńgení qūraıdy. Onyń íshínde bírínshí oryn ıegerí 10 mıllıon teńge, ekínshí oryn 5 mıllıon teńge, al úshínshí oryn 3 mıllıon teńge alady.
«SHAIQAS-2026» chempıonatyn ótkízu bastamasy «Qazaqstan ǴAJ ortalyǵy» AQ-qa tıesílí. Jarystyń operatory – «Qorǵanys jáne qauípsízdík salasyndaǵy ınnovatsıyalardy damytu ortalyǵy» JShS (Defense Tech).
Chempıonat demeushílerdíń qarajaty men seríktesterdíń jarnalary esebínen ūıymdastyrylyp otyrǵanyn aıta ketu kerek. Jobany ótkízu barysynda Qazaqstan Respublıkasy Qorǵanys mınıstrlígíníń byudjet qarajaty paıdalanylmaıdy.
«SHAIQAS-2026» – elímízdegí áskerı ınjenerıya, robototehnıka, ūshqyshsyz tehnologıyalar jáne kıberqauípsízdík salalaryn damytuǵa baǵyttalǵan alǵashqy írí chempıonat. Qazírdíń ózínde būl joba ınnovatsıyalyq sheshímderdí tájírıbede synap, olardy qorǵanys júıesíne engízuge jol ashatyn mańyzdy bastama retínde baǵalanyp otyr.