Lıtvadan Qazaqstanǵa adam óltíríp jasyrynyp júrgen kúdíktí ekstradıtsıyalandy, dep habarlaıdy aqshamnews.kz
Búgín Qazaqstan Respublıkasynyń Bas prokuraturasy men Íshkí íster mınıstrlígíníń qyzmetkerlerí Syrtqy íster mınıstrlígíníń qoldauymen Lıtva Respublıkasynan 17 jyl boıy kísí óltíru jáne atys qaruyn zańsyz saqtau faktílerí boıynsha ízdeude bolǵan Qazaqstan azamatyn ekstradıtsıyalady.
2007 jyly kúdíktí sybaılasymen bírge zańsyz jolmen bayu maqsatynda Almaty qalasyna kelgen.
Olardyń qylmystyq áreketí ózge qylmystyq top ókílderímen janjalǵa ákelíp, sonyń nátıjesínde olardyń bírín óltíruge sheshím qabyldaǵan.
2008 jylǵy 19 mamyrda kúdíktíler ózderíníń qylmystyq nıetterín júzege asyryp, jábírlenushíní óz úıíníń aulasynda tosyp alyp, oǵan bírneshe ret oq atqan. Sońǵy oq basynan tıgen, yaǵnı «baqylau» oq bolǵan.
Alynǵan jaraqattardan jábírlenushí oqıǵa ornynda qaza tapqan.
Qylmys jasaǵannan keıín kúdíktílerdíń bírí ūstalyp, keıín sot úkímímen sottaldy, al ekínshísí jasyrynyp, oǵan halyqaralyq ízdeu jarıyalandy.
Jazadan jaltaru maqsatynda kúdíktí anketalyq derekterín ózgertíp, Europa aumaǵynda jasyrynǵan.
2025 jylǵy tamyz aıynda Lıtva Respublıkasynyń shekarasyn kesíp ótu kezínde ūstaldy.
Keıínnen Bas prokuraturanyń sūrauy boıynsha ol Qazaqstanǵa ekstradıtsıyalandy.
Qazírgí uaqytta kúdíktí tergeu ızolyatoryna qamauǵa alyndy.
Aıyptalyp otyrǵan qylmystar úshín Qazaqstan Respublıkasynyń zańnamasyna sáıkes on jyldan jıyrma jylǵa deıíngí merzímge nemese ómír boıyna bas bostandyǵynan aıyru, múlíktí tárkíleu túríndegí jaza kózdelgen.
