QR-da 761 bazar jūmys ísteıdí, elímízdíń 17 óńíríníń 3-índe bírde-bír kóterme sauda bazary joq
2021 jylǵy 1 qańtardaǵy jaǵdaı boıynsha, elde 761 bazar bolatyn, bír jyl būrynǵyǵa qaraǵanda 2 bazarǵa nemese 0,5%-ǵa az, dep habarlady Almaty-akshamy.kz. Finprom.kz caıtyna sílteme jasap. Olardyń kópshílígí qalalyq jerde ornalasqan (515 bazar, tek 246 auyldyq jerde). Óńírlík bólíníste bazardyń 14,6%-y Túrkístan oblysynda, 11%-y Almaty oblysynda, 9,3%-y Shyǵys Qazaqstan oblysynda boldy.
Bír jyl íshínde bazarlar azdap qysqarǵanyna qaramastan, sauda oryndarynyń sany kerísínshe, 1%-ǵa nemese 184,6 myń orynǵa deıín bírshama kóbeıdí.
Óńírlík bólíníste sauda oryndarynyń basym bólígí Almaty oblysynda boldy (bír jyl būrynǵyǵa qaraǵanda bírden 14,7%-ǵa ósíp, 24,2 myń boldy). Almaty men Jambyl oblystary da kósh basyndaǵy úshtíkte tūr.
359 bazar men 145,9 myń sauda orny zańdy tūlǵa kompanıyalarǵa, taǵy 402 bazar men 38,6 myń sauda orny jeke kásípkerlerge tıesílí boldy.
761 bazardyń 17-sí kommunaldyq bazarǵa, 387-í jabyq bazarǵa jatqyzyldy. Tauarlardy satuǵa baılanysty 260 bazar mamandandyrylǵan, 501 — ámbebap dep jíkteldí.
Mámíleler kólemí boıynsha 36 bazar kóterme, 725 bazar bólshek saudaǵa qatysty boldy. Būl rette elímízdíń keıbír óńírlerínde kóterme sauda bazarlary jūmys ístemeıdí. Máselen, Aqmola, Jambyl, Qostanaı oblystarynda ótken jyly bírde-bír osyndaı nysan jūmys ístemegen.
El naryqtarynyń jalpy audany bír jylda 3,4%- ǵa, 7,9 mln sharshy metrge deıín óstí, onyń íshínde auyldyq jerlerge 22,4%-y tıesílí boldy.
Bazarlardyń jalpy audany boıynsha Almaty oblysy kósh bastap tūr: 1,5 mln sh.m. TOP-3 qūramyna Almaty men Túrkístan oblysy da kírdí.
Bazarlardyń materıaldyq-tehnıkalyq bazasy bírshama tómendedí. Osylaısha, tońazytqysh kameralarynyń sany bír jylda 9,7%-ǵa, nemese1,5 myńǵa deıín, konteınerler 4,8%-ǵa nemese 40,7 myńǵa deıín, veterınarıyalyq saraptama zerthanalary 3,4%-ǵa nemese 254-ke deıín, sóreler 1,4%-ǵa nemese 72 myńǵa deıín, dúńgírshekter 0,3%-ǵa nemese 12,7 myńǵa deıín qysqardy.
Eldegí bazarlardyń jalpy audany bír jylda 3,4%-ǵa, 7,9 mln sharshy metrge deıín óstí, onyń íshínde auyldyq jerlerge 22,4%-y tıesílí boldy.
