Qazaqstanda 46 jalǵan dıplom men olardy daıyndaumen aınalysqan 20 ınternet-resurs áshkerelendí, dep habarlaıdy Aqshamnews.kz tílshísí.
Ǵylym jáne joǵary bílím mınıstrlígíníń málímetínshe, uákílettí organdar jalǵan dıplomdardy jasau jáne satu faktílerín tūraqty túrde baqylauda ūstap, anyqtalǵan jaǵdaılardy dereu toqtatyp otyrady. Qylmystyq kodekstíń 385-babyna sáıkes, jalǵan qūjat daıyndau nemese paıdalanǵany úshín aıyppūl salynady, túzeu jūmystary taǵaıyndalady nemese ekí jylǵa deıín bas bostandyǵyn shekteu ne aıyru jazasy qarastyrylǵan.
«Qazírgí tańda 46 jalǵan dıplom men olardy zańsyz daıyndaumen aınalysqan 20 ınternet-resurs anyqtaldy. Barlyq materıal ÍÍM men MAM-ǵa joldandy», – delíngen vedomstvo habarlamasynda.
Mınıstrlík 1991 jyldan berí berílgen dıplomdardyń bíryńǵaı derekqoryn qalyptastyrǵan. Dıplomdar arnaıy modul arqyly bíregeı nómír men QR-kod beru jolymen rásímdeledí. Júıege kíru qūqyǵy tek osy modulde tírkelgen, resmı túrde jauapty unıversıtet qyzmetkerleríne ǵana berílgen.
Dıplom nómírí «Joǵary bílím berudíń bíryńǵaı platformasy» aqparattyq júıesíndegí bílím alushylar turaly derekter negízínde generatsıyalanady. Eger student turaly aqparat platformada bolmasa, oǵan dıplom nómírín beru múmkín emes. Vedomstvonyń túsíndíruínshe, eger óz úlgísíndegí bílím turaly qūjatta júıe arqyly berílgen bíregeı nómír men QR-kod bolmasa, mūndaı dıplom jaramsyz.
Sonymen qatar joǵary oqu oryndary dıplom derekterín tsıfrlandyru jūmystaryn jalǵastyryp jatyr. Al jūmys berushíler qūjattyń túpnūsqalyǵyn epvo.kz servısí arqyly teksere alady. Dıplomnyń elektrondyq nūsqasy «Tsıfrlyq qūjattar» bólímínde eGov mobıldí qosymshasynda da qoljetímdí.
