«Qazaqstannyń Avtokólik Odaǵy» (QAO) 2025 jyldyń qorytyndysyn jarıalady. Ótken jyly elde 234 852 avtomobıl satylyp, bul kórsetkish 2024 jylmen salystyrǵanda 14,4%-ǵa artty, - dep habarlaıdy Aqshamnews.kz tilshisi.
QAO derekterine sáıkes, eń tanymal TOP-10 avtokólik modeliniń barlyǵy Qazaqstanda óndirilgen. Bul otandyq avtonaryqtyń damyp kele jatqanyn kórsetedi.
Satylym kólemi boıynsha kóshbasshylyqty Hyundai markasy saqtap qaldy – 50 868 avtomobıl (+15,4%). Ekinshi orynda Chevrolet – 38 880 avtomobıl (+25,7%), al úshinshi orynda Kia – 23 402 avtomobıl (+1,5%).
Odan keıingi oryndarda:
-
Chery – 14 570 avtomobıl (–2,1%),
-
Jetour – 14 507 (+52,6%),
-
Haval – 11 688 (+6,4%),
-
Toyota – 11 338 (+2,7%) ornalasqan.
Naryqtaǵy barlyq satylymnyń 80%-y iri on avtokompanıanyń úlesine tıesili. Al qytaılyq markalardyń naryqtaǵy úlesi ótken jylǵy deńgeıde saqtalyp, 39% boldy.
Sonymen qatar, eń tanymal úsh modeldiń kóshbasshylary ózgergen joq. 2025 jyly qazaqstandyqtar eń kóp tańdaǵan avtokólikter:
-
Chevrolet Cobalt – 31 802,
-
Hyundai Tucson – 20 697,
-
Kia Sportage – 10 988.
Aıta keteıik, bul kórsetkishter eldegi avtonaryqtyń turaqty ósimin jáne otandyq óndiristiń mańyzyn aıqyndaıdy.