Qazaqstanda kóshí-qon zańnamasyn būzushylyq álí oryn aluda
Pandemıyaǵa baılanysty Qazaqstan aumaǵynda óz elíne orala almaǵan myńdaǵan sheteldíkter boldy.
ÍÍM Kóshí-qon qyzmetíníń kómegímen būl adamdarǵa qūjattardy resímdeuge kómek kórsetíldí. Jyl basynan berí polıtsıya qyzmetkerlerí bes myńnan astam mıgrantqa, tólqūjattarynyń merzímí ótken 956 sheteldíkke óz erkímen ketuge kómektestí, dep habarlady Almaty-akshamy.kz. QR Íshkí íster mınıstrlígíníń saıtyndaǵy habarǵa sílteme jasap.
Sonymen qatar, barlyq sheteldíkter Qazaqstandaǵy jaǵdaıyn retteu múmkíndígín paıdalanǵan joq nemese óz erkímen elden kettí.
Kóshí-qon zańnamasyn qasaqana būzǵan adamdardy anyqtau maqsatynda 7 mausymnan bastap el aumaǵynda “Mıgrant” jedel aldyn alu ís-sharasy ótkízíldí.
Polıtsıya qyzmetkerlerí shetel azamattary kóbírek shoǵyrlanǵan jerlerge tekseru júrgízdí, tūrǵyn úı sektory, qūrylys nysandary, bazarlar, avtokólíkter tekserílíp, sheteldík azamattardyń jaldamaly eńbegín zańsyz paıdalanatyn ūıymdar men jūmys berushíler pysyqtaldy.
Operatsıya kezínde kóshí-qon zańnamasyn 13 467 būzushylyq anyqtaldy.
Onyń íshínde:
• 10 055 sheteldíkterdíń elde bolu merzímderín būzuy;
• 3 316 sheteldíktíń eńbek qyzmetín zańsyz júzege asyru faktílerí;
• sheteldík jūmys kúshín zańsyz paıdalanǵany úshín 702 jūmys berushí tartyldy;
• kelgen sheteldíkter turaly ÍÍO-na uaqtyly habarlamaǵany úshín 5 233 jeke jáne zańdy tūlǵalar jauapqa tartyldy;
• qaıyrshylyq úshín 62 sheteldík jauapqa tartyldy.
13 105 TMD azamattary, 362 alys shetel azamattary jauapqa tartyldy.
Elden shyǵaryp jíberu turaly 930 sot sheshímí shyǵaryldy.
Sonymen qatar ízdeude júrgen 105 qylmysker ūstaldy, onyń 94 –QR, 11-TMD azamattary.
Máselen, Shymkent qalasynda ekí zańdy tūlǵanyń aumaǵynda rūqsat qūjattarynsyz eńbek qyzmetín júzege asyrǵan 34 sheteldík anyqtaldy. Semeı qalasyndaǵy kóp qabatty tūrǵyn úıdíń qūrylys obektísínen qajettí qūjattarsyz jūmys ísteıtín 16 sheteldík tabyldy.
Qazírgí uaqytta atalǵan faktíler boıynsha ákímshílík íster qozǵaldy jáne ís materıaldary sharalar qabyldau úshín sotqa joldandy.
Operatsıya kezínde polıtsıya qyzmetkerlerí jyl basynan berí shyǵaryp jíberu turaly sot sheshímín oryndaudan jaltarǵan 210 sheteldíktí elden májbúrlep shyǵardy.
Shyǵaryp jíberuge jūmsalǵan qarajat sheteldíktí shaqyrǵan ne kóshíp kelushíníń Qazaqstanda zańsyz bolu faktísí anyqtalǵan kezde onyń eńbegín paıdalanǵan jeke nemese zańdy tūlǵalarǵa polıtsıyanyń talap-aryzdary boıynsha sot tártíbímen óteletín bolady.
ÍÍM Kóshí-qon qyzmetí kóshí-qon zańnamasyn būzushylyqtardy anyqtau boıynsha jūmysty jalǵastyruda.