Qoıylǵan míndetterdí eskere otyryp, ótken jyly 100 myń sharshy shaqyrym jalpy alańda 1:50.000 masshtabty geologıyalyq túsírílím júrgízuge 20 joba ázírlendí, odan keıín jyl saıyn 30 myń sharshy shaqyrym bolatyn eń perspektıvaly uchaskeler qamtyldy. Salystyru úshín aıtatyn bolsaq, keńes zamanynda jasalǵan kartanyń būrynǵy masshtaby 1:200.000 boldy.
Tayaudaǵy úsh jylda joǵaryda atalǵan 20 jobany júzege asyru úshín, sondaı-aq az zerttelgen shógíndí basseınder aumaǵynda seısmıkalyq barlau jūmystaryn júrgízuge, qazírgí zamanǵy geologıyalyq ınfraqūrylymdy qūruǵa 240 mlrd teńge nemese shamamen $500 mln baǵyttau josparlanyp otyr, jalpy sońǵy 15 jylda $469 mln salyndy.
Jobalarǵa Jerdí qashyqtyqtan zondtau derekterín taldau, aerogeofızıkalyq jáne geohımıyalyq zertteuler, dalalyq jūmystar keshení kíredí. Uchaskeler tízbesín qalyptastyru kezínde qorlardyń sarqylu faktorlary, jer qoınauyn paıdalanushylardyń bolmauy ne eń az sany jáne paıdaly qazbalardyń basym túrlerí boıynsha perspektıvalylyǵy eskeríldí. Nátıjesínde mys, altyn, qorǵasyn, myrysh, sırek jer elementterí, barıt, boksıt ken oryndaryn anyqtau boıynsha áleuetí joǵary alańdar anyqtaldy.
Būdan bólek, az zerttelgen mūnaı-gaz perspektıvaly – Soltústík Torǵaı, Shu-Sarysu jáne Syrdarıya basseınderínde seısmıkalyq barlau jūmystaryn júrgízu josparlanǵan. Sondaı-aq zerthanalyq-taldamalyq bazany jańǵyrtu jáne geologıyalyq derekterdí tsıfrlandyru kózdelude.
Osy masshtabta jer qoınauyn geologıyalyq zertteuge kóshu Europalyq Odaq, Kanada, Australıya, Qytaı elderíníń halyqaralyq tájírıbesíne sáıkes keletín geologıyalyq boljamdardyń dáldígín edáuír arttyruǵa múmkíndík beredí.
Aımaqtyq kartaǵa egjeı-tegjeılí túsíru perspektıvaly aumaqtardy anyqtau, geologıyalyq jáne ınvestıtsıyalyq táuekelderdí azaıtu jáne keıínnen geologıyalyq barlau men paıdaly qazbalardy óndíruge jeke ınvestıtsıyalardy tartu úshín bazalyq negíz bolady.