Halyq arasynda aqparattyq-túsindirý jumystaryn kúsheıtý tapsyryldy.
Úkimette Premer-Mınıstrdiń birinshi orynbasary Álıhan Smaıylovtyń tóraǵalyǵymen elimizde 2021 jyly ulttyq halyq sanaǵyn ótkizýge daıyndyq jáne uıymdastyrý máselelerin sheshý boıynsha arnaıy komısıanyń otyrysy ótti, dep habarlaıdy Almaty-akshamy.kz Primeminister.kz caıtyna silteme jasap.
Premer-Mınıstrdiń birinshi orynbasary sanaq quramyn tolyq qamtamasyz etý jáne vaksınalaý máselelerine basa nazar aýdarýdy tapsyrdy.
Tıisti memlekettik organdar men ákimdikterge eriktiler uıymdaryn, stýdentter men jumyssyz turǵyndardy suhbattasýshy retinde tartý boıynsha jumysty kúsheıtý tapsyryldy.
Sanaq júrgizilip jatqan kezde personaldyń qaýipsizdigin qamtamasyz etý, sondaı-aq josyqsyz adamdardyń alaıaqtyq áreketterin toqtatý eskertildi.
Álıhan Smaıylov óńirlerdiń basshylaryna buqaralyq aqparat quraldaryndaǵy bannerler men bılbordtardy, jaryq dıodty ekrandardy, únparaqtardy, tıisti aqparattyq habarlamalardy ǵana emes, sonymen qatar habarlaý quraly retinde turǵyn úılerdiń toptyq chattaryn da qarastyrý arqyly halyq arasynda aqparattyq-túsindirý jumystaryn kúsheıtýdi tapsyrdy. Sanaq naýqany aıaqtalǵanǵa deıin eldi mekenderdiń quramdas bólikteriniń ataýlaryn ózgertýge moratorııdi saqtaý máselesi de qaıta kóterildi.
Sondaı-aq, áńgime memlekettik organdardyń biryńǵaı kólik ortasy sheńberinde, shalǵaı aýdandar men aýyldarda joǵary sapaly Internetke qosylýdy qamtamasyz etý úshin egov.kz veb-portaly men sanaq.gov.kz saıtyn ıntegrasıalaý aıasynda atqarylǵan jumystar boıynsha aqparattyq resýrstarǵa qoljetimdilikti qamtamasyz etý týraly boldy.
Qorytyndylaı kele, Álıhan Smaıylov jeke tulǵalardyń qupıa aqparatyn saqtaýdyń mańyzdylyǵyn taǵy bir atap ótti jáne mundaı málimetter QR «Memlekettik statısıka týraly» zańymen qorǵalatynyn eske saldy.
Esterińizge sala keteıik, 2021 jylǵy Ulttyq halyq sanaǵy 1 qyrkúıekten 15 qazanǵa deıin sanaq.gov.kz mamandandyrylǵan veb-saıtynda onlaın formatta josparlanǵan, al sanaqtan onlaın ótpegen azamattar úshin qajetti sanıtarlyq normalardy saqtaı otyryp, ádettegideı úı-úıdi aralaý 1-30 qazan aralyǵynda uıymdastyrylady.
