Ekonomıka jáne beıbitshilik ınstıtýty jarıalaǵan 2025 jylǵy jahandyq terorızm ındeksine sáıkes, Qazaqstan 100-oryndy ıelenip, nóldik qaýip kórsetkishine qol jetkizdi.
Bul kórsetkish AQSH, Kanada, Ulybrıtanıa, Fransıa, Germanıa jáne Ispanıadan joǵary. Sondaı-aq Qazaqstannan keıin Reseı, Qytaı, Ózbekstan, Ázirbaıjan, Tájikstan, Birikken Arab Ámirlikteri jáne Túrkıa ornalasqan, - dep habarlaıdy aqshamnews.kz.
Qazaqstanda sońǵy teraktiler 2016 jyly bolǵan. Sol ýaqyttan beri kúshtik qurylymdar toǵyz jyl ishinde shamamen 40 shabýyldyń aldyn aldy, onyń ishinde bıyl eki áreket tirkelgen.
Álemdik deńgeıde jaǵdaı nasharlaǵan: teraktiler 66 elde tirkelip, Batysta olardyń sany 63%-ǵa artty. Uzaq tynyshtyqtan keıin shabýyldar Shvesıa, Avstralıa, Fınlándıa, Nıderland, Danıa jáne Shveısarıada qaıta oryn alǵan.
Eýropada eń nashar kórsetkish Germanıada – Magdeburg jármeńkesindegi shabýyldan keıin el 27-orynǵa tústi. Al eń qaýipti ondyqqa Izraıl men Sırıa endi.