Jańa sharalar men kvotalardy auyl sharuashylyǵy mınıstrlígí engízíp otyr, dep habarlaıdy aqshamnews.kz
Qazaqstannyń Auyl sharuashylyǵy mınıstrlígí írí qara etín eksporttauǵa sandyq shekteuler (kvotalar) engízetín būıryqty jarıyalady.
Qūjat jańa, salqyndatylǵan jáne mūzdatylǵan etke qatysty. Shekteu EAEO elderíne jáne úshínshí memleketterge eksportqa 13 myń tonna kólemínde engízíledí.
Mınıstrlík kvotalardy bólu erejesín bekíttí. Kvota jeke jáne/nemese zańdy tūlǵalarǵa, sonyń íshínde eksporttyq kompanıyalarǵa bólínedí. Olardyń ózderíníń et óńdeıtín zauyty boluǵa tıís.
Sonymen qatar quattylyǵy kemínde 5 myń bas írí qara maldy azyqtandyruǵa jetetín jeke mal jemdeıtín alańy boluy kerek.
"Írí qara maldyń jasy kemínde 12 aıǵa tolǵan, auyl sharuashylyǵy januarlaryn ıdentıfıkatsıyalau bazasynda tírkelgen, jemdeu ūzaqtyǵy kemínde 4 aı boluy qajet. Sondaı-aq atalmysh maldyń qūlaǵynda RFID radıojıílíktí belgí boluǵa tıís. Kvota kólemí bólíngen kezde bír bas malǵa ortasha salmaq retínde 200 kg esepke alynady", - dep jazylǵan būıryqta.
Sondaı-aq syrtqy sauda kelísímderí talap etíledí. Būıryq 2025 jylǵy 2 jeltoqsannan 31 jeltoqsanǵa deıín engízíledí.
