2026 jylǵy qańtar–sáuír aılarynyń qorytyndysy boıynsha Qazaqstanda sary maı men kúnbaǵys maıy óndírísíníń tūraqty ósímí baıqaldy, – dep habarlaıdy aqshamnews.kz tílshísí.
Syrtqy sauda kórsetkíshterí de oń dınamıka kórsettí: ónímníń ekí sanaty boıynsha eksport kólemí ūlǵaıyp, būl otandyq qaıta óńdeu ónerkásíbíníń áleuetíníń artyp kele jatqanyn aıǵaqtaıdy.
Eseptí kezeńde respublıkada maılylyǵy 85% aspaıtyn 13,8 myń tonna sary maı óndíríldí. Būl 2025 jyldyń sáıkes kezeńímen salystyrǵanda 47,4% artyq.
Sary maı eksporty 40,4% óstí. 2026 jylǵy qańtar–sáuír aralyǵynda shetelge 394,1 tonna óním eksporttaldy. Būl ótken jyldyń osy kezeńíndegí 280,7 tonnamen salystyrǵanda aıtarlyqtaı joǵary. Negízgí eksporttyq naryqtar – Reseı, Mońǵolıya, Qyrǵyzstan jáne Belarus. Sary maı ımporty 2 242,2 tonnany qūrady. Íshkí naryqtaǵy ımporttyq ónímníń úlesí 13,9% boldy. Negízgí jetkízushíler – Belarus pen Iran.
Tórt aıdyń qorytyndysy boıynsha íshkí naryqta 15,7 myń tonna sary maı ótkízíldí.
Kúnbaǵys maıy óndírísínde de oń ósím saqtaluda. 2026 jylǵy qańtar–sáuír aılarynda otandyq kásíporyndar 335,5 myń tonna tazartylǵan jáne tazartylmaǵan kúnbaǵys maıyn óndírdí. Būl ótken jyldyń sáıkes kezeńímen salystyrǵanda 13,2% kóp.
Kúnbaǵys maıynyń eksporty 49,6% artty. 2026 jylǵy qańtar–sáuír aılarynda eksporttyq jetkízílímderdíń kólemí 353,8 myń tonnany qūrady, al ótken jyldyń osy kezeńínde 236,4 myń tonna óním eksporttalǵan. Negízgí eksport baǵyttary: Ózbekstanǵa – 153,2 myń tonna, Qytaıǵa – 127,2 myń tonna, Auǵanstanǵa – 38,6 myń tonna, Tájíkstanǵa – 27 myń tonna, Iranǵa – 4,9 myń tonna jáne basqa da elder.
Kúnbaǵys maıynyń ımporty 47,9 myń tonnany qūrady. Būl rette íshkí naryqtaǵy ımporttyq ónímníń úlesí tómen deńgeıde qalyp, 12,5% qūrady. 2026 jylǵy qańtar–sáuír aılarynda Qazaqstannyń íshkí naryǵynda 29,7 myń tonna kúnbaǵys maıy ótkízíldí.