Qazaqstan qūramasynyń tórt múshesí de júldege ıe boldy, dep habarlaıdy aqshamnews.kz tílshísí.
Tashkentte ınformatıkadan 38-shí Halyqaralyq olımpıadanyń (IOI2026) jeńímpazdary men júldegerlerín marapattau rásímí óttí.
Qazaqstan qūramasynyń tórt múshesí de júldege ıe boldy. Ūlttyq qūrama 1 altyn jáne 3 kúmís medal jeńíp alyp, 92 elden kelgen 375 oqushy arasynda komandalyq esepte 10-orynǵa ıe boldy. Al jınalǵan ūpaı sany boıynsha Qazaqstan qūramasy álemde 7-oryn kórsettí.
Maksım Tsoı – Astana qalasyndaǵy «Spectrum» halyqaralyq mektebíníń 12-synyp oqushysy - altyn medal jeńíp alyp, álemdík jeke esepte 5-oryn ıelendí.
Úsh kúmís medaldí Astana qalasyndaǵy daryndy balalarǵa arnalǵan «Bílím-ınnovatsıya» mamandandyrylǵan lıtseı-ınternatynyń 11-synyp túlegí Aldıyar Seıtbaı, Qyzylorda oblystyq daryndy balalarǵa arnalǵan «Bílím-ınnovatsıya» mamandandyrylǵan lıtseı-ınternatynyń túlegí Mansur Mamadahunov jáne Semeı qalasyndaǵy fızıka-matematıka baǵytyndaǵy NIS túlegí Asqar Ákejan jeńíp aldy.
Qazaqstan qūramasynyń jetekshílerí – bírneshe dúrkín respublıkalyq jáne halyqaralyq olımpıadalardyń jeńímpazdary Temírlan Satylhanov jáne Aıbar Quanyshbaı.