Europalyq jáne Jerorta teńízí ósímdíkterdí qorǵau jáne karantın ūıymynyń (ERRO) jūmys tobynyń 55-otyrysy ayasynda QR AShM Agroónerkásíptík keshendegí memlekettík ınspektsıya komıtetí tóraǵasynyń míndetín atqarushy Saken Qanybekov Ózbekstan men Qyrǵyzstannyń fıtosanıtarıyalyq qyzmetterí basshylarymen kezdesu ótkízdí.
Kezdesudíń basty taqyryby – shegírtkege qarsy kúres sharalary boldy. Taraptar mausymdyq zıyankesterge qarsy tıímdí kúres júrgízu tájírıbesímen tanysty, dep habarlaıdy aqshamnews.kz.
Kezdesu barysynda Locust.uz júıesí tanystyryldy. Būl – shegírtkeler jūmyrtqa salǵan aumaqtar men hımıyalyq óńdeu júrgízílgen jerler turaly málímetter engízíletín elektrondy platforma. Júıe jaǵdaıdy dūrys baǵalauǵa múmkíndík beredí. Sonymen qatar, júıe GPS qūrylǵylary arqyly arnaıy tehnıkanyń qozǵalysyn qadaǵalap otyrady. Būl shegírtkeníń keń aumaqtarǵa taraluyna jol bermeı, jedel shara qoldanuǵa jaǵdaı jasaıdy.
Kelíssózderdíń qorytyndysy boıynsha taraptar yntymaqtastyqty odan árí nyǵaıtu, halyqaralyq fıtosanıtarıyalyq standarttardy engízu jáne aqparat almasudy damytu jónínde uaǵdalasty.
Taraptar shekara mańyndaǵy aımaqtarda shegírtkege qarsy kúres, fıtosanıtarıyalyq jaǵdaı, zertteu nátıjelerí, zıyandy aǵzalardyń taraluy jáne júrgízílíp jatqan ís-sharalar turaly jedel málímet almasuǵa erekshe nazar audaratyn bolady.
Sondaı-aq fıtosanıtarıyalyq sertıfıkattar boıynsha tıímdí árí tūraqty derekter almasudy qamtamasyz etu maqsatynda aqparattyq júıelerdí bíríktíru josparlanuda.
Atalǵan yntymaqtastyq óńírdegí auyl sharuashylyǵynyń qauípsízdígín arttyruǵa jáne qatysushy elderdíń azyq-túlík qauípsízdígín qamtamasyz etuge baǵyttalǵan.