Koreya Respublıkasyna jūmys sapary ayasynda QR Premer-mınıstríníń orynbasary Qanat Bozymbaev Korea Electric Power Corporation (KEPCO), Lotte Hotels & Resorts, Doosan Enerbility jáne Global Green Growth Institute (GGGI) basshylyǵymen kezdesuler ótkízdí. Taraptar koreı kompanıyalarynyń Alatau City-degí ınfraqūrylymdyq jáne ınvestıtsıyalyq jobalardy íske asyruǵa qatysuyn talqylady.
Kelíssózder barysynda Qanat Bozymbaev qazaqstandyq-koreı strategıyalyq áríptestígíníń joǵary deńgeıín jáne jańa qalany damytu úshín ozyq tehnologıyalardy, ınvestıtsıyalardy jáne halyqaralyq saraptamany tartuǵa múddelílígín atap óttí.
«Alatau City – Qazaqstannyń basty ūlttyq jobalarynyń bírí. Búgínde qala úshín arnauly ınvestıtsıyalyq jáne retteushílík orta qalyptastyrylyp, zamanauı ınfraqūrylym qūryluda. Bíz jetekshí koreı kompanıyalarymen ūzaq merzímdí áríptestíkke múddelímíz jáne bírlesken jobalardy naqty pysyqtauǵa daıynbyz», — dep atap óttí Qanat Bozymbaev.
KEPCO-men kezdesude Alatau City-díń energetıkalyq ınfraqūrylymyn damytu boıynsha yntymaqtastyq perspektıvalary qaraldy. Atap aıtqanda, koreı korporatsıyasynyń elektr energıyasyn beru jáne taratu júıelerín jobalauǵa, qosalqy stansalar saluǵa, ūlttyq energıya júıesímen ıntegratsıyalauǵa jáne jergílíktí elektr jelílerín qosuǵa qatysuy talqylandy.
Doosan Enerbility jáne GGGI basshylyǵymen Alatau City-díń menshíktí generatsıyasyn damytu máselelerí talqylandy. Perspektıvaly baǵyttardyń bírí retínde quaty 2×250 MVt bolatyn, keıínnen sutegíge kóshu múmkíndígí bar gaz elektr stansasyn salu qarastyryluda. Jobany memlekettík-jekeshelík áríptestík tetíkterín qoldana otyryp íske asyru aldyn ala qarastyryluda.
Sondaı-aq turıstík jáne qonaqúı ınfraqūrylymyn damytu máselelerí talqylandy. Lotte Hotels & Resorts kompanıyasymen Alatau City-de L7 by Lotte qonaqúıí bar kópfunktsıonaldy keshendí íske asyru múmkíndígí talqylandy. Qūny $200 mln-nan asatyn joba 180 nómírlí qonaqúıdí, keńse keńístíkterín jáne tūrǵyn apartamentterdí kózdeıdí.
Kezdesuler qorytyndysy boıynsha taraptar talqylanǵan jobalar boıynsha, onyń íshínde olardy qarjylandyru jáne íske asyru tetíkterín aıqyndau jónínde bírlesken jūmysty jalǵastyruǵa kelístí. Alatau City Authority būl jūmysty salalyq memlekettík organdarmen jáne áleuettí seríktestermen bírlesíp úılestírudí jáne súıemeldeudí qamtamasyz etedí. Qazírgí uaqytta Alatau City-díń ınvestıtsıyalyq portfelí jalpy qūny $6,9 mlrd bolatyn, íske asyryluy 55 myńnan astam jūmys ornyn qūrudy kózdeıtín 67 jobany qamtıdy.
Talqylanyp jatqan jobalardy íske asyru Alatau City-díń keshendí damuyna, atap aıtqanda, senímdí energetıkalyq jáne ınjenerlík ınfraqūrylymdy qalyptastyruǵa, qonaqúı, ískerlík jáne kommertsıyalyq nysandardy damytuǵa yqpal etedí. Halyqaralyq seríktesterdí tartu jáne jańa ınvestıtsıyalyq jobalardy íske asyru qosymsha jūmys oryndaryn ashuǵa, qalalyq qyzmetterdíń ayasyn keńeıtuge, sondaı-aq ískerlík belsendílíktíń ósuíne jáne qalalyq ortanyń sapasyn arttyruǵa jaǵdaı jasaıdy.
