Qazaqstan Respublıkasynyń Premer-mınıstrí Oljas Bektenov Astanaǵa alǵashqy resmı saparmen kelgen Kambodja Koroldígíníń Premer-mınıstrí Hun Manetpen kelíssózder júrgízdí.
Qazaqstan Kambodjany Ońtústík – Shyǵys Azıyadaǵy mańyzdy jáne senímdí seríktes retínde qarastyrady.
Úkímettík delegatsıyalar sauda jáne ınvestıtsıyalyq salalardaǵy yntymaqtastyqtyń áleuetín ashu sharalaryn talqylady.
Agroónerkásíp jáne kólík-logıstıkalyq keshenderdegí, tsıfrlandyru men jasandy ıntellekttegí, sondaı-aq turıstík jáne gumanıtarlyq baılanystardy damytu salasyndaǵy ózara ís-qımyl máselelerí qaraldy.
Tauar nomenklaturasyn keńeıtu jáne ísker toptar arasynda jańa tíkeleı baılanystar ornatu baǵyttary aıtyldy. Kambodjanyń qarjy jáne ískerlík qoǵamdastyǵynyń ókílderí bírlesken jobalardy júzege asyru jáne óńírde ınvestıtsıyalyq qatysudy keńeıtu úshín AHQO múmkíndíkterín paıdalanuǵa shaqyryldy.
Agroónerkásíp keshenínde Premer-mınıstr Oljas Bektenov Kambodja naryǵyna qazaqstandyq dándí daqyldardy, ósímdík maılaryn, et jáne auyl sharuashylyǵy shıkízatyn qaıta óńdeu ónímderín jetkízuge qyzyǵushylyq bíldírdí. Auyl sharuashylyǵy ónímderín óńdeu jáne saqtau, zamanauı ırrıgatsıyalyq tehnologıyalardy engízu jáne agrarlyq kooperatsıyany damytu salasyndaǵy bírlesken jobalardyń perspektıvalary qaraldy.
Kólík-logıstıka salasynda Transkaspıı halyqaralyq kólík baǵytyn Qytaı – Laos – Vetnam – Kambodja dálízímen ūshtastyru múmkíndíkterí talqylandy. Būl bastama Ońtústík – Shyǵys jáne Ortalyq Azıya arasyndaǵy kólík baılanystaryn keńeıtuge jáne europalyq naryqtarǵa júkterdí jetkízu úshín qosymsha jaǵdaı jasauǵa múmkíndík beredí.
Ekíjaqty áríptestíktíń perspektıvaly baǵyttarynyń íshínde tsıfrlandyru jáne jasandy ıntellekt, turızm salalary da atalǵan.
Kezdesu qorytyndysy boıynsha Qazaqstan – Kambodja qatynastaryn odan árí damytuǵa, ískerlík baılanystardy keńeıtuge jáne sauda-ekonomıkalyq yntymaqtastyqtyń basym baǵyttary boıynsha bírlesken bastamalardy praktıkalyq júzege asyruǵa daıyndyq rastaldy.
