Berlın qalasynda (Germanıa Federatıvtik Respýblıkasy) «German Water Partnership» qaýymdastyǵy men «Turǵyn úı-kommýnaldyq sharýashylyqty jańǵyrtý jáne damytý qazaqstandyq ortalyǵy» aksıonerlik qoǵamy arasynda Qazaqstan Respýblıkasynda sýmen jabdyqtaý jáne sý burý júıeleriniń tıimdiligin arttyrý salasynda ózara túsinistik týraly memorandýmǵa qol qoıyldy, - dep habarlaıdy Aqshamnews.kz.
Qujat taraptardyń turaqty sý menedjmenti, energıa tıimdi jáne sıfrlyq sheshimderdi engizý, sondaı-aq sý ınfraqurylymyn jańǵyrtý salasyndaǵy tájirıbe almasý baǵyttarynda yntymaqtastyqty damytý nıetterin bekitedi.
Memorandýmǵa qol qoıý rásimi AO «Turǵyn úı-kommýnaldyq sharýashylyqty jańǵyrtý jáne damytý qazaqstandyq ortalyǵynyń» Basqarma tóraǵasy Nurlan Soltambekov bastaǵan qazaqstandyq delegasıanyń Germanıa Federatıvtik Respýblıkasyna jumys sapary aıasynda ótti.
Sapar barysynda delegasıa Germanıanyń sý salasyndaǵy jetekshi kásiporyndary — Stadtenwässerung Dresden, Fraunstein Dittersbach (System S&P) jáne Harzwasserwerke GmbH kompanıalaryna baryp, sondaı-aq «Qazaqstan–Germanıa sý salasyndaǵy strategıalyq áriptestigi: jańa deńgeı» taqyrybyndaǵy dóńgelek ústelge qatysty. İs-shara German Water Partnership qaýymdastyǵymen jáne Qazaqstan Respýblıkasynyń Germanıa Federatıvtik Respýblıkasyndaǵy Elshiliginiń qoldaýymen uıymdastyryldy.